«Предприниматели Калмыкии» нерәдлһтә негдгч экономическ форум Сити-чесст давв
Май сарин 26 цуг Әрәсән арһлачнрин сән өдр болв. Эн өдр Хальмгин арһлачнрин дунд талдан регионмудас ирсн гиинрин, Танһчин күцәгч органмудын дунд «Предприниматели Калмыкии»нерәдлһтә негдгч экономическ форум Сити-чесст давв. Форумд арһлачнриг эндр өдр үүмүлжәх төрмүд, сурврмуд хаһлгдсн билә.
Цуг Әрәсән предпринимательмүдин өдр амрлһна өдр болсн болв чигн Сити чесст олар әмтн хурв.Эн форум тавн секцәр әнгләд давулгдсн билә. Форумин орлцачнр агробизнесин, хальмг танһчд туризмин делгрлтин болн эндр өдр предпринимательмудт государств дөн болх аль угай цуг эн хурц төрмүдәр күүнвдр тогтагдсн билә.
Наталья Манжикован келсәр тиим форумиг жил болһн давулгдх кергтә болжана тер юнгад гихлә предпринимательмүд хоорндан, правительствин ахлачнрла харһад олн зүсн төриг хаһлж чаджана.
Хамгин хурц күүндвр «Инвестиционная привлекательность бизнеса и региона» нертә секцд давв. Хальмгин предпринимательмүдин тоолврар эндр өдр манна хальмг танһчд туризм делгрлтән авх, Сүл жилмүдт Хальмг Танһчиг һәәхәр ирсн улсин то өсч йовна.Йилһән сәәнәр давсн жилмүдт көдлсн предпринимательмудиг хальмгин толһачин һашгудар күндлв.
Хальмг Танһчин ачта эмч Александр Болтыровин келсәр эндр өдр предпринимательмүдиг харсдг программ болн эднә зөвиг харсдг күн көдлх зөвтә.Тиим керг үүлдвр бүрдәхлә предпринимательмүдин көдлмш уралан девшхнь маһд уга.
Хальмгин предпринимательмудын «Предприниматели Калмыкии» нерәдлһтә негдгч форумин орлчачнрт болсн керг үүлдв таасгдв. Иргчдән эдн мел иим кевәр харһад күүндәд олн зүсн төрмүдәр көдлх саната.
Аджин Светлана, Бадмаран Владислав
