«Единая Россия» партин 1З-гч сьездт Хальмгин Толһач Алексей Орлов партин ах советин гешүн болв
Май сарин 26-д «Единая Россия» партин 1З-гч сьездт Хальмгин Толһач Алексей Орлов партин ах советин гешүн болв. Дөрвн жил эн сьездиг толһалсн Әрәсән президент Владимир Путин эврәннь керг үүлдврән төгсәв.
Эн көдлмшиг ода премьер министр Дмитрий Медведевиг цааранднь давулх. Әрәсән правительствин ахлачнр хамгин түрүнд хальмг танһчд иткәд намаг партин ах советд орулв. Кех күцәх көдлмш дала, өмнән бидн олн зүсн төр тәвжәнәвидн тегәд иргчдән цуг тәвгдсн төрмүдән хаһлх зөвтәвидн, маднд эн туст Әрәсн правительст олн халхасн дөн нөкд күргхәр бәәнә гиж Хальмгин Толһач Алексей Орловин келв. Әрәсән 86 субьекмудас партин ах советин тогтацд 12 күн орв. Эн бүрдәцд региональн делгрлтин министр Олег Говорун, Дальневосточн округд Әрәәсн президентин үүл күцәж йовх нөкч Виктор Ишаев, Әрәсән парламентын хойр палатмудын спикермүд Валентина Матвиенко болн Сергей Нарышкин, Әрәсән эдл ахун болн эрдр сурһулин номин болн сойлын министрмүд Владимир Мединский болн Николай Федоров. Подмосковин губернатор Сергей Шойгу, Ар Кавказин федеральн округд Әрәсән президентин үүл күцәж йовх нөкч Александр Хлопонин. Тодлад келхд, Хальмг Танһчд «Единая Россия» парть 66 избирательмүдин ду авв. Март сарин 4-д Әрәсән президентин сунврин өдр Хальмг Танһчин улс Владимир Путинд 70% дууһан өгв. Тер цагт Алексей Орлов «Единая Россия» партин региональн список болн Әрәсән президентин Владимир Путина штабиг ахлжана. «Единая Россия» партин 8 сьездин йовудт Алексей Орлов Государственн Думин председатель Сергей Нарышкинла харһж күүндв.Күүндврин йовудт социальн -экономическ болн обшественн -политическ сурврмуд хаһлв. Хальмгин Толһачин үрврән июнь сард Көтчнрә районд тосхлтсин хойрдгч чеерүдт зогсчах мах эд бод келһнә комбинатын секлһнд орлцх Сергей Нарышкин зөвән өгв. Дәкәд Алексей Орлов Государственн дуумин негдгч председателин дарукла, Әрәсән Олимпийск көрнгин президент Александр Жуковла харһж күүндв. Күүндврин йовудт Александр Журавлев Хальмг Танһчд спорт делгрүллһнә төрт оньган өгв, дәкәд Лондон балһснд болх олимпийск нааднд греко римск бөк бәрлдәнә Әрәсән чемпион Мингиян Семеновиг Әрәсән командын ханьд орулх зөвән өгв.
