«Диилвр» нерәдлһтә баһчудын слет хальмг келн улсин гимназин уул деер давв

Танһчин 6 тойгта «Диилвр» нерәдлһтә баһчудын слет Анатолий Кичиковин нер зүүжәх хальмг келн улсин гимназин уул деер даав. Эн керг-үүлдврт эклц профессиональн сурһульд сурч йовх баһчуд орлцв.

Эн марһанд орлцсн команд болһн эврәннь командын, Төрскән Харсгд Алдр дәәнд орлцсн цергчнрин тускар дәкәд жүрин гешүдин өгсн сурврмудт хәрү өгх зөвтә бәәсмн. Түүнә хөөн көвүд күүкд пневмотическ бууһар хадһлһна , медицинск дөн күрглһнә болн ду-бииһин маарһаст орлцад марһлдв.Зурһадгч тойгта Профессиональн лицейн МЧС әнгин кадетск классин һурвдгч курсин оютн Эрдем Шарваев сурһулән чиләснә хөөн цергә хаалхар йовхар сана зүзжәнә.

Эндр өдр тиим керг үүлдврмүд дорас өсч йовх баһчудт кергтә гиж баһ Наста көвүд келв. Жил болһн давулдг маарһаст олар баһчуд орлцна гиж Танһчин и бичкдүдин спортивн туризмин болн экскурсиийн әнгин ахлач Ирина Бутаева келв.Команд болһн эврә билг-эрдмән сән кевәр үзүлсн деерән цевр аһар кииләд, хоорндан таньлдад, дамшлтарн чигн хувалцад цаган соньн кевәр давулв.

Кесг жил хооран школмудт ах класст сурһуль сурчах көвүдиг цергт белдх шишлн кичәлмүд дала билә. Өдгә цагт эн кичәлмүд тас уга кечкв гиж зовлнгарн ОБЖ кичәлин багш Юрий Миндяев хувалцв. Эндрк баһчуд цогц махмудан батруллго компьютерар наадан һаза һархш эннь му йовдл болжана. Зүткәтә марһана ашар жүрин гешүд негдгч орм 6 гч тойгта профессиональн лицейн командт өгв. Хойрдг орм Лагань балсһна негдгч тойгта профессиональн училишин көвүд күүкд һарв. hурвдгч орм 7 пофессиональн лицейн баһчуд авв. Эн марһана бүрдәһәчнрин келсәр тиим марһан баһчудыт дунд дангин давулгдх.

Аджин Светлана, Бадмаран Владислав