Октябрьск районд тутрһ хуралһна көдлмш кегджәнә
Хальмг танһчд тутрһ хуралһна көдлмш цаарандан кегджәнә. Октябрьск районд тутрһ урһаж авлһн селәнә эдл-ахусин һол керг болжана. Эн жил тутрһин сән урһц хураж авх зура бәәнә.
Тутрһ урһадг “Восток” предприять селә тогтажах предприять болжана. Энд Восход поселкин цуг әмтн көдлжәнә. Эн предприять бәәрн улст көдлмшч орм өгчәнә, бәәрн селәг дөннәд. делгрүлсн деерән, районд бас әсн түшг болжана. Эн жил Восток предприять тавн минһн тонн тутрһ хураж авх саната. Дундлад гектар болһнас һучн зхурһан центнер буудя цокж авгдх зурата. Ода урһц хуралһна көдлмш эклчкв. Болв сүл өдрмдүт хур орад, комбайнмуд кеер һарч көдлж чадсн уга. Ут-тоодан урһц хуралһна көдлмшт арвн зурһан шишлнг техник көдлжәнә.
“Восток” ниицәнә генеральн директор Санһж Батыровин келсәр, эн жил ут-тоодан күсдундур минһн гектарт тутһр тәрж. Энүнәс тавн һар минһн тонн буудя цокж авх зура бәәнә. Гектар болһнас һучн зурһан центнер хураж авгдх. Эннь темдглсн зура. Тутрһ дуланд дурта. Эн жил невчк серүн болжана. Давсн жилд халун болад сән болв. Тер бйинь зураһан күцәх саната.
Мана танһчиг тутрһар тетксн деерән, Октябрьск района предприятьмуд урһцан талдан регионмудт хулдна. Тутрһ хураж авад, церврлснә хөөн нег килограммнь нәәмн арслнгар Ростовск, Астраханск болн Волгоградск областьмудт хулджана. Эн жил тутһр хулдснас һучн хойр сай арслнг ору авх саната. Болв тутрһ урһжа авхд удан болн жанһрта керг, дала һару һарна. Энүнә төлә услврин систем хәләж көдлүлх кергтә, техник цаглань ясж белдх төр тәвгднә. Тер мет тутрһла зерг районд ичмә болн люцерн өвс урһаж авчана. Эн хотар малын хошмуд теткнә.
“Восток” предприятин генеральн директорин дарук Владимир Долонтаевин келсәр, давсн жилд тутрһ тәрсн аһуд буудя урһаж авчана. Иим һазрас сән урһц авч болх. Тутрһ тәрсн һазрт чиг үлднә. Тегәд һан халун ик боомтг болхш.
Ода района селәнә эдл-ахун халхин делгрлтд турһ урһаж авлһна төр һол зөрүлт болжана. Тегәд эн халхиг танһчин бюджетас дөннх кергтә. Хамгин түрүнд мөнгн улврин техник яслһнд йовулх кергтә. Ода көдлжәх шишлнг техник хуучрад, дару-дарунь хамхрна. Энүг шинрүлх төр тәвгджәнә. дәкәд болхла директорин келсәр, көдләчнрин төр эдниг үүмлжәнә. Ода предприятьд көдлжәх улс нурһлж тәв һарч одсн улс. Сүл һурвн жилд нааран баһ наста зун атвн күн ирж көдлжәнә.
Цутхлнг токин һардач Аркадий Долонтаевин келсәр, түрүн авгтан усвлин бригадт көдлв, энүнә хөөн бридарин нөкд болж көдлсмн, давсн намрар цутхлнг токин һардач болв. Хойр жилдән көдлжәнә. Энд көдлхд таасгджана. Гертән көдлснь сән болна.
Тенгрин бәәдл сән болхла тутрһ хуралһна көдлмшиг октябрь сарин чилгч крүтл төгсәх саната. “Восток” нертә тутрһ урһадг эдл-ахун цуг чекмудас хойр минһн долан зун тонн буудя цокж авч болх. Эн кемжән мана цуг танһчд күрх зөвтә. Ода Октябрьск районд тутрһ урһадг һурвн эдл-аху көдлжәнә. Районд урһаж авсн тутрһ экологин халхар цевр болсн деерән, амтна чинрәрн ик холд нерән туурулв. Энүг танһчин улс дурлж хулдж авна, тер мет талдан регионмудын әмтн хальмгин тутрһ бас таасна.
Елена Алексенко, Хавтхна Анатолий
