Нәәүрлж бичлһнә шүүвр дәкнәс орулгджана

ЕГЭ-н государственн шүүврин ашла зерг деед сурһульд орсн кемд ашлгч нәәрүлж бичлһнә шүүврин ашиг иргч сурһулин жилд тоод авх даалһвр Әрәсән премьер-министр Дмитрий Медведев өгв. Энүнә тускар Әрәсән правительствин сайт зәнглжәнә. Әрәсән правительствин ахлачин даалһвриг эн жилин июлин арвн дөрвн күртл күцәх даалһвр өггдв. Школан төгсжәх сурһульчнр эн жил ашлгч нәәрүлж бичлһнә шүүвр өгхмн. Энүнә тускар Федеральн хургт кесн дуудвртан Әрәсән Президент Владимир Путин келсн билә. Президентин дәкәд нег тодлулсар, эн жил хойр минһн арвн дөрвдчг жил Әрәсәд сойлын жил гиж зарлгдв. ЕГЭ-н государственн шүүвр өглһнә төлә СНГ-н цуг орн-нутгудла школьн сурһулин аттестатмудын чинрнь тоод авгдх зөвтә гиж президент темдглв. Тиигхлә СНГ-н орн-нутгудын баһчуд Әрәсән деед сурһульд амрар орж чадх.