Греко-римск янзар бөк бәрлдлһнә марһан болв
Давсн амрлһна өдрмүдт бөк бәрлдлһнә академьд танһчин кесг дам чемпион Канур Адучиевин санлд нерәдгдсн уйн наста бөкнр дунд греко-римск янзар бөк бәрлдлһнә марһан болв.
Танһчин спортивн туужд греко-римск янзар бөк бәрлдлһнә марһан өвәр йовдл болв. Эн дөрлдән танһчин нертә бөк Канур Адучиевин санлд нерәдгдв. Йоста спортсмен, билгтә бөк танһчин арвн негн дам чемпиона нер зүүсмн. Марһанд Астраханск, Волгоградск областьмудын, Краснодарск крайин болн Ар Кавказин республиксин эчлн ирж дөрлдв.
Турнириг байрин бәәдлд секлһнд орлцсн танһчин толһач Алексей Орловин темдглсәр, иим марһан баһ наста бөкнрт кергтә дөрлдәнә дамшлт өгнә, үйнрин залһлда батрулна. Марһанд орлцсн уйн наста бөкнр цуг арһ-чидлән агсж ноолдв. Тегәд чигн дөрлдән зүткәтә болв. Уйн наста бөкнр греко-римск янзар бөк бәрлдлһнә олн-үзсн эв-арһ үзүлв. Эднә зәрмнь Канур Адучиевин өвдгәрн авч цокдг эв-арһ олзлв. Греко-римск янзар бөк бәрлдлһнд зуг хоосн хар чидл дөн болшго, энүнд олн-зүсн эв-арһ олзлх кергтә, цогц-махмуд чан-чиррг болх зөвтә. Тер мет ноолдана йовудт экр биш диилвр бәрх санатаһар дөрлдх зөвтә.
Ачнр селәнә бөк Владимир Настаевин келсәр, тренер талан хәләчкәд, экр биш диилх кергтә гисн санан орв. Иим дөрлдәнд диилвр бәрхлә күндтә болна.
Эннь Канур Адучиевин ач көвүн. Энүнә нернь Шали. шали диилвр бәсрн бөкиг йөрәжәнә. Ач көвүн Адучиев Шалин келсәр, диилвр бәсрнд йөрәжәнә. Иргчдән энүнәс сән үзмж бәрхинь дурдв, медальмуд шүүж авх кергтә.
Хамгин түрүнд товчлгч девснгд Кабардино-балкарин элч Ислан Мусов орад, диилвр бәрв. Эн бөк болн талдан чигн дииләчнр үнтә мөрәһәр ачлгдв. Ачта мөрәг эднд Хальмг танһчин ачта усл бәрүлж өгв. Тер тоод Канур Адучиевин көвүн Баатр марһа бүрдәчсн деерән, иим күндтә зөв бас күцәв. Баатр Адучиевин келсәр, иим марһана йовудт баһ наста бөкнр дамшлт хоршаһад, ах үйин сән зангшалыг хадһлж делгрүлжәнә.
Марһан бүрдәсн Адучиевин өрк-бүлд танһчин толһач Алексей Орлов ик ханлтан өргв. Эднд танһчин бөк бәрлдлһнә академин көдләчнр сән нөкд болв.
Танһчин толһач Алексей Орловин келсәр, эн марһанд олн көвүд орлцжахнь сән керг болжана. Эн көвүд греко-римск янзар бөк бәрлдлһ шүүж авч. Эднә бәәдл-жирһлд иим янзар бөк бәрлдлһн хамгин һол спорт гиж эдн герчлсн болх.
Иим марһан сән загшалд тохард, жил болһн давулх шиидвр авгдв. Танһчин бөк бәрлдлһнә федерац болхла эн турнирт ик чинр үүзлһнә төлә ирлцнһү көдлмш кех зөвтә.
Харлун Бадма, Хавтхна Анатолий
