Элст балһсн зун дөчн нәәмдгч жилин өөнин байран темдглв
Элст балһсн зун дөчн жилин өөнин байриг өргнәр темдглв. Хотл балһсна цутхлнг талвнгд, Иньглт паркд болн талдан чигн бәәрнд байрин олн-зүсн керг-үүлдврмүд болв. Тер мет эн өдр ке-сәәхн карнавал болв. Энүнә һол төрнь — Сочи балһснд болх Олимпиад үзүлгдв. Байрин чилгчәр ик концерт болн фейрверк болв.
Балһсна байр темдглдг авьяс одахн тогтв. Тер бийнь жил болһн ьайр өргн кеәвр темдглгднә. Цутхлнг тавлнгд эрдмчнрин балһсн бәәх һазрт олн улс цуглрв. Иим олн әмтн урднь рдго билә гиж бүрдәһәчнр келнә. Тер мет эрдмч улсин то бас өсв. Урн һарта эрдмчнрин һәхүлд түрүн болж арвн доладжгч тойгта бичкдүдинс ад орлцжана. Дошкольн учреждень хойр жил хооран секгдв. Энүнд баһ наста билгтә болн үүдәгч баһчуд көдлжәнә. Тегәд садын һарджачин келсәр, эдн иим керг-үүлдврт орлцхар шиидв.
Арвн доладгч садын һардач Ирина Манжикован келсәр, садын бичкдүд талдан чигн соньн кегдлүмүд кев. Тер тоод газетас олн-зүсн авдр кеж.
Энүнд марһан зарлснас иштә орлцачнр хамгин сән кегдлмүдән үзүлв. Энүг хәләсн элстихн болн гиичнр икәр байрлв. Элст балһсна бәәрн күүкд күн Светлана Шавырован келсәр, иим ке-сәәхн кегдлмүд тәрә темснәс болн зер-земшәс кеж болна. Цецгүд болхла йир ке-сәәхн.
Байрин өдр тенгрин бәәдл сән болв, Чилгр нарта өдрт олн әмтн байрлв. Тегәд чигн байрин керг-үүлдврмүд болсн цуг плошадкт олн әмтн цуглрв. Хагмин ик оньг өрк-бүлән тогтажах баһчудт тусхагдв. Эдн хамгин хөвтә улс байрт болв.
Эллина Бембееван келсәр, иим байрт орлцсндан икәр үүмжәнә. Ода бидн хамдан бәәхвидн, эннь ик хөв болжана. Хотл балһсна байрин өдр өрк-бүлән тогтажах баһчудыг йөрәдг авьяс сән зангшалд тохрв. Жил болһн эн керг-үүлдвр өвәр кевәр давулгдна. Эн саамд автомашидын ормд олн-зүсн өнгтә вагончикүд баһчудыг авч ирв. Байрин бүрдәһәчнр өрк-бүлән тогтажах баһчудт олн-зүсн белгүд белдж. Олн улс орлцата байрин йовудт өрк-бүлән тогтасн баһчудыг Хальмг танһчин толһач Алексей Орлов йөрәв.
Танһчин толһач Алексей Орловин келсәр, шинкн өрк-бүлән тогтажах баһчудыг әрүн седләсн йөрәжәнә. Иим байрла болсн хүрмнь өлзәтә цаһан хаалһта болтха.
Специалистнрин темдглсәр, баһ наста өрк-бүлмүдин то Элст балһснд жил ирвәс өсәд йовна. Эн жилин эклцәс авн хот балһснд нәәмн зун дөвн өрк-бүл тогтв. Тер мет нил төрлһнә то бас икдв. Эн жилин йисн сарин эргцд нег минһн һурвн зун нил төрв. Элст балһсна зун дөчн нәәмдчг жилин өөнин байрин йовудт талдан чигн керг-үүлдврмүд болв. Энүнәс хамгин ке-сәххнь — карнавал. Иим керг-үүлдвр кесг жилдән бүрдәгдсн уга. Эн жил карнавалд хөрн хойр колонн тогтагдв. Колонн болһнд тәвн күн орлцв. Энүнә һол төрнь Соси балһснд болх Олимпиад. Карнавалд орлцсн улс ке-сәәхн карнавалд орлцв, олимпиадын һол төринь үзүлв.
Эн күүкнә келсәр, байр йир ке-сәәхн болжана. Әмтн цугтан барта бәәнә. Энүнә келсәр, иим байр йир икәр таасгджана. Элстихн болн гиичнр цугтан икәр байрлад, энкр балһсна байрт орлцв.
Элст балһснд болсн олимпийск карнавал олимпийск һалын эстафет тосж авхдан белн болв гиж герчлв. Элст балһсна байриг хувалцхар Әрәсән эстрадн нертә дууч Бьянка ирәд, билг-эрдмән үзүлв. Дуучин дуулсн дууг элстихн болн хотл балһсна гиичнр байртаһар тосж авв.
Элстин байрин чилгчәр ке-сәәхн фейрверк болв.
Чучян Валентина, Очра Сергей
