Элстин көгшә йирн насна өөнән темдглжәнә

Элст балһсна бәәрн күүкд күн Валентина Козловская йирн насна өөнән темдглжәнә. Хөрдгч зун жилин тууж энүнә жирһлин хаалһд давв. Хүвсхлин хөөн төрәд, догшн дәәнә зальд орад, ик зовлнг дааһад һарв. Насни туршт танһчин төлә чидлән нөөлго көдлв. Ончта өөнән валентина Егоровна өөрхн улстаһан темдглв. Энүнд Әрәсән Президент Владимир Путин йөрәлиг бичг илгәв. Элст балһсна администрацин көдләчнр көгшәд президентин йөрхл бәрүлж өгв.

Валентина Козловская эн өдр дигтә йирн жил хооран төрсмн. Элст балһснд насни туршт бәәнә. Жирлһин адрута хаалһд танһчин төлә гүжрж көдлв. Хамгин күнд цаг — дәәнә цаг болв. Фронтын төлә көдләд, диилвр бәрхин төлә чидлән әрвлсн угавидн гиж Валентина Егоровна тодлна. Тиигхд Гашунский поселкд фермд саальч болж көдлв.

Күч-көлснә ветеран Валентина Козловская тодлсар, колхоз кесгтән көдлв. Һазр хаһлдг бәәж. Нег үкр болн бух һазр хаһлдг билә. Зәрмдән үкр чидлән гееһәд унж оддг билә. Энүнә сүүлинь мошкад, чикәрнь үләһәд босхж авхар седдг бәәж. Бригадир гүүж ирәд хәәкрдг билә. Ташмгар цоккар седдг бәәж. Саадг үкрәр һазр хаһлдг билә. Күн жирһл үзж. Йирн нас зүүв. Эннь бас ик насн.

Жирһлин күнд хаалһар йовсн бийнь, Валентина Егоровна оньдин сергмжтә, цаһан седклтәһәр бәәдг билә. Талдан улст арһ чидләрн дөн күргхәр зуткдг бәәсмн. Энүнә элгн-саднь ээжиннь утскар бүлән үгмүд келнә.

Владимир Василенко келсәр, Валентина ээж бас күнд цагла төрж. Хүвсхлин хөөн, дәәнә һалд орад зовлнг үзв. Колхозд чидлән нөөлго көдлв.

Руслан Пчелиновин келсәр, ээждән йир дурта. Дару-дарунь ирәд, энүг золһна. Виктория Пчелинован ээжнь цаһан седклтә, гиичнриг тосж авхдан дурта. Хот-хол сәәнәр кенә.

Йирн насна ончта өөнән Валентина Козловская эврәннь өөрхн элгн-саднлаһан темдглв. Энүг йөрәхәр үрдүднь, олн ачнр-зеенрнь болн өөрхн улснь ирв. Элст балһсна администрацин элчнр болхла Әрәсән президент Владимир Путина йөрәл көгшәд бәрүлж өгв.

Валентина Козловская келсәр, көгшдүдиг эс мартжахд ик байрта бәәнә. Йирн нас күртл жирһжәнә. Жирлһин адрута хаалһд ик зовлнг учрв. Энүг дааһад һарв. Ода һардачнр ик ханлт өргжәнә.

Валентина Козловская дәәнә амр биш цага күн. Энүнә тодлвр, дамшлт дорас өсж баһчудт олз-туста болхнь лавта. Эднәс теслтин болн өршәнһү седклин үлгүр-үзмж авч, сурһмж хоршаж авх кергтә.

Елена Алексенко, Эрнжәнә Эрднь