Элст балһснд шин светоформуд углж тәвгджәнә

Элст балһснд Ленина болн Пушкина нертә уульнцин ниилврт шин светодиодн светоформуд углж тәвгдх. Иим көдлмш хотл балһсна хаалһар әәмшг уга йовлһна бәәдл тетклһнә программар кегджән.

Жолачнрин келсәр, сүл өдрмүдт Пушкина болн Ленина нертә уульнцин ниилврт автомобильмуд йовхд күн болжана. Энүнд шин светоформуд углж тәвлһнә көдлмшәс көлтә машид йовж чаджахш. Элст тбалһсна эдл-ахун специалистнр энүнә төлә шишлнг бах булад цеменатр батлв. Светофорн обьектмудын оператор Виктор Башанкаевин келсәр, ода хамгин күн көдлмш — сунһуг татлһна көдлмш кех кергтә. Энүнә хөөн һазр дор электрокүчнә сунһуг татх керг улдв болн светоформудыг программировать кех кергтә. Эн уульнцин ниилврт машидын төлә зурһан светофор болн йовһн улсин төлә нәәмн светофор углж тәвх зура бәәнә. Иим светормудын нилчәр маши залачнр болн йовһн улс докья эрк биш сонсж үзхж чадх.

Элст балһсна эдл-ахун директорин дарук Андрей Шеркешевин келсәр, Элст балһсна администрац эе жил шин светоформуд хулдж авла. Эднә зәрминь углж тәвв. Эн жил хойр специалист сурһуль дасв. Эдн шин светоформуд яһж олзлхинь меднә.

Специалистнрин келсәр, иим көдлмшиг нег өдрин эргцд күцәж болшго. Шин светодиодн светоформуд углж тәвхин төлә хойр долан хонг кергтә. Иим көдлмшт тенгрин сән бәәдл кергтә. Хуучн светоформудыг шин светоформуд углж тәвтл суһлж авшго.

Светофорн обьектмудын оператор Виктор Башанкаевин келсәр, шин светоформуд ә өгдг эв-арһта. Эннь инвалид улст эвтә болх. Жолач ик холас ә сонсад, светфор көдлжәхинь медх. Иим оборудовань олн улст таасгджана.

Шин светодиодн светоформуд сәәнәр эвдлрт угаһар көдлнә, электрокүч баһар олзлна. Иим светоформудын докья нигт буднд сәәнәр үзгднә, нарн гилвксн цагт чигн ик холас үзж болх.

Эн залу күүнә келсәр, шин светоформуд эвдрлт угаһар көдлх гиж санжана. Нарн гилвксн цагт ик холас энүг үзж болх. Хаалһд зеткртә йовдлын то баһрх.

Жирн жилдән жолач болж көдлв. Иим светоформуд йир сән. Нарн талас эдниг сәәнәр үзж болх. Эннь жолачнрт эвтә болх гиж дамшлтта жолач келнә.

Ода Элст балһсна уульнцд дегд олн машид гүүдгәс иштә, светоформуд уга һазрт машид олар цуглрдг болв. Тер мет йовһн улс бас уульнцд йовхд жанһрта болжана. Зәрмдән шишлнг йовһн улс йовдг һазрт хаалһ керчхд әәмшгтә болна. Ода хотл балһсна хамгин олар машид йовдг һазрт эн төриг хаһлж чадв. Тер тоод арвдгч школын өөр бәәх светофорн обьект сән нилчән күргжәнә.

Эн күүкд күүнә келсәр, бичкдүд энд олра йовна, наадад зәрмдән машид үзхш. Светофорын докья эдн сонсж чадх. Урднь светофор көдлжәнь аль угай медж болдго бәәсмн. Ода сән светофор тәвж гиж эн күүкд күн келнә. Блиц З эн күүкд күүнә келсәр, эн машид олра йовна. Школ өөрхн, магазин бәәнә. Энд светофор эрк биш кергтә.

Хуучн светоформудыг суһлж авда, хайшго. Эн жилин чилгч күртл хотл балһсна эдл-ахун көдләчнр эдниг ясад, хөрн һурвдгч школын өөр углж тәвх саната. Ода энд светофомуд уга. Келхд, светоформуд уга уульнцд бәәх әмтн мэрйин көлгн-күчнә әнгд светоформуд углж тәвхин тускар эрлһ бичж орулж чадх. Иим светоформуд хаалһин әәмшгтә һазрт бәәхлә, хаалһд учрдг зеткртә йовдлмудын то зөвәр баһрхнь лавта.

Батан Санжирма, Бадмаран Владислав, Мятежный Максим