Алексей Орлов шин герин эздүдлә харһлт кев
Эндр танһчин толһач Алексей Орлов Калачинская нернтә уульнцд тосгджах герин улсла харһлт кев. Тосхлт дегд түргәр кегджәхәс иштә көдлмшин чинр му болх гиж герин эздүд үүмжәнә. Дәкәд нег тодлад келхлә, шин гер сентябрин хөрн нәәмнд эдлврт орх зөвтә бәәсмн. ДЕЗ-ин директор санл далановин келсәр, ода зун нәәмн патьрта герт тоосх тәвлһнә көдлмш төгсжәнә. Һурвн давхр күццц белн болв. Ода энүнд терз-үүд углж тәвжәнә, линолеум делгжәнә. Арвн хонг болад хату девскртә хаалһ нааран татгдх. Гериүн эздүд тосхачнрин көдлмшиг таасжана. Эднлә тосхачнр бат залһлда бәрж көдлжәнә. Герин эздүдәс седвәрч баг бүрдәгдв. Долан хонгт хойр дәкж эдн тосхачнрин хургт орлцна. Танһчин толһачла болсн харһлтын йовудт Туругта Сергеева тосхлтын йовуд му болжана гисн худл зәнг гиж иткүлв. Хальмг танһчин толһач Алексей Орловин келсәр, тосхлтын йовуд көдлмшин чинрт үлмәһән күргшго.
