Әәдрхнд Өмн үзгин ниицәнә депутатнр цуглрв
Баһ болн дунд бизнесин делгрлтин, Ижл һолын көрнг харслһна, ЖКХ-н тарифмудын өслтиг бүртклһн, поселкс хоорнд хату девскртә хаалһ тосхлһна болн талдан чигн төрмүдәр Әрәсән Өмн үзгин регионмудын депутатнрин оньг авлв. Әрәсән Өмн үзгин парламентск ниицәнә дарани арвн нәәмдгч конференц Әәдрхн балһснд болв.
Яшалтинск районд дөчн тавн келн-улс бәәнә. Ут-тоодан арвн долан минһн күн. Мамуд Узаиров тюрк-месхетинец келн-улсин элч. Яшалтинск районд хөрн зурһан жил хооран нүүж ирв. Ода энд эврәннь үрдүдән өскәд, ачнр-зеенрән хәләжәнә.
Мамуд Узаировин келсәр, нааран найн йисдгч жилд нүүж ирж. Хальмг танһчин әмтн энүг бүләнәр тосж авв. Керүл-цүүгән һарсн уга. Ода хәләтн ач көвүнь өсжәнә.
Хойр нәәж күүкн орс болн лезгин келн-улсин эчлнр ик кезәнәс авн үүрлжәнә. Эдн оньдин хамдан йовна, эдниг салһж болшго гиж селәнә улс келнә. Эндр бәәрн базрт эдн бас хамдан ирв. Орс келн улсин элч болжана. Энд төрәд, өсж босв. Эн күүкнә келсәр, лезгин келн-улсин элч. Дагестанас нүүж ирв. Арвн негн жилдән энд бәәжәнә. Орс күүкнлә үүрләд, нәәж болв.
Эн баһ наста күн тюрк келн-улсин элч Ильман Маилов Ульяновка селәнд зурһан настаһас авн бәәнә. Хальмг танһчиг эврәннь төрскн һазр гиж тоолжана. Ильман Маиловин келсәр, цуг келн-улс хоорндан ни-негн бәәнә. Цуг улст ик ханлт өргжәнә. Нәәжнр дунд хальмг, орс улс бәәнә.
Яшлт селә тогтасн күүнә ач күүкнә эцкнь эстонец, экнь орс . Районд ик кезәнәс авн олн келн-улсин элчнр ни-негн хоорндан бәәнә. Валентина Тепелик келсәр, ода зуг өвкинь нер зүүжәнә. Энд төрәд өсж босв. Өвк эцкнь бәәрн селә тогтаж.
Энд олн келн-улс бәәршлжәнә, олн-зүсн шажнд шүтнә. Православн улс орсин чонжд одна, буддистнр бәәрн хурлд одад мөргнә, мусульман әмтн бичкн мөргүлин герт маань умшна, католикүд болхла католическ чонжд одна. Келхд, сүл цагт эн районд нилх төрлһнә то зөвәр өсв. Тер бийнь бәәрн бичкдүдин садт орм цуг бичкдүдт күрчәнә. Зуг эврәннь келәрн күүнддг көвүд-күүкдт орс кел дасхжана. Эдниг иим кевәр школд белджәнә. Бичкдүдин садын сурһмжлач Наталья Майер келсәр, садт олн келн-улсин элчнрин бичкдүд оржана. Цугтан ни-негн бәәнә.
Района селәнә сойлын герин сценд олн келн-улсин дуд сонсж болх. Энд болсн байрин кемд концертн программд районд бәәх цуг келн-улсин дуд болн би орна. Яшалтинск район цуг келн-улсин сойлыг болн авьяс-зангшалыг әрүн кевәр хадһлжана.
Яшалтинск района толһач Яков Рерихин келсәр, районд бәәх цуг әмтн хоорндан ни-негн бәәхин төлә цугинь кежәнә. Яшалтинск района толһач Яков Рерихин келсәр, Яшалтинск района әмтн цугтан бәәхтә жирһләр жирһжәнә. Хамдан ни-негн кеәвр көдләд, сән үзмж бәржәнә.
Района ут болн байн туужд хальмгин һазрт дөчсн тавн келн-улсин элчнр бәәхтә жирһл эдлж бәәнә. Энд бәәсн цуг улст Яшалтинск район йоста төрскн һазр болв.
Арстана Светлана, Очра Сергей
