Яшалт селәнд бәәрн залврин байр болв

Яшалтинск районд бәәрн залвин сән өдрт нерәдгдсн байр болв. Района сойлын герин сценд нүүрлгч көдләчнрт күндлһнә һашгуд болн ханлтын бичгүд бәрүлж өггдв. РМО-н толһач Яков Рерихин темдглсәр, муниципалитетмудын көдлмш дааврта, энүнә ашинь селәнә улс ил үзнә. районд олн келн-улсин элчнр ни-негн бәәнә.

Әрәсән Өмн үзгин парламентск ниицәнә дарани арвн нәәмдгч конференцд хальмгин делегац Әәдрхн балһснд эврәннь региона дамшлтар шин селвгүд авч ирж. Хальмгин депутатнр эднә седвәриг дөннхин төлә ниицәнә гешүдт дуудвр кев.

Депутат Герман Борликовин келсәр, Әрәсән президентин зәрлг күцәхин төлә ода олн регионд әмтнд һазр йилһж өггджәнә. Эн халхд хаһлх төр босжана. Йилһж өгсн һазрт социальн бәәцин таал уга болжана. Хаалһс, усн, газ болн талдан чигн әмтнд кергтә тоот. Һазр йиһлж өсгн цагт цуг энүг тоод авх кергтә.

Депутат Борликовин келсәр, Әрәсән өмн үзгин субьектмудт хаһлх төр әдл. Эннь ховр гемәр гемтжәх улст үнтә эмнүлһ кех төр тәвгджәнә. Нег жилд иим гемтә улст дөчн тавн сай арслнга эмнүлһн кегднә. Эннь Хальмг танһчин эмәр өнгәр тетклһнә льготн категорин улт кергтә нег жилин кемжәнә тавна кеснь нег хүвинь тогтана.

Тосхлтын, промышленностин болн ЖКХ-н төрмүдин комитетин ахлачин дарук Светлана Хобленко келсәр, көлгн-күчнә федеральн программла ирлцәтә федеральн бюджетас дөнцл мөнгн ирх зөвтә. Хальмгин депутатн Әрәсән көлгн-күчнә министр тэн туст зака чиклж, мана танһчин таалла ирцүлх дуудвр кежәнә.

Эн саамд Өмн үзгин ниицәнә депутатнр хамдан цуглрад, донорствин жисә дөннлһнә, промышленн хог-бог эд-бод келһнә, дарунь илжрдг биоматериалмуд олзлж упаковк келһнә, спортивн бөк бәрлдлһнә спортыг олимпийск спорт гиж хадһлһна болн талдан чигн төрмүдәр тодрха күүндвр кев. Ут-тоодан сүүрт Өмн зүгин йисн делегац хөрн һурвн төрәр күүндвр тогтав. Эднәс һурвн төр хальмгин депутатнр орулж өгв. Дарук иим сүүр Волгоград балһснд намрар болх.

Хавтхна Элла, Бадмаран Владислав