Үстин районд бичкдүдин садмудт чеерүд уга
Бичкдүдин садмудт чеерүд уга келһн танһчин цуг йосна көдлмшин һол төр болжана. Иргч хойр жилд чеерүд уга кех тодрха даалһвр Әрәсән һардвр өгв. Хальмг танһч эн хурц төриг хойр минһн арвн тавдгч жил күртл хаһлх зурата гиж танһчин правительствин сүүрт келгдв. Үстин районд хуучн гермүд шинрүлһнә көдлмш кегджәнә, немр багмуд бүрдәгджәнә. Удл уга дөчн тавн көвүн-күүкн дошкольн учрежденьд орж чадх. Давсн жилд зун арвн тавн бичкдүд садт орж чадв. Ода эн дошкольн учрежденьст тосхлтын көдлмш кегджәнә.
Көтчнрә районд тосхгджах агрокомплекс танһчин агропромышленн халхин эзнә инвесторин түрүн иим ик төсв болжана. Мах эд-бод кедг шин комбинатд үкрә ма эд-бод кесн деерән, фармацевтическ болн хот-хоолын коллаген кеж һарһгдх, махна үлдләс биогаз һарһгдхмн. Эндр өдрт тосхлтын обьектд электрокүчнә залһлдан белн болв, комплексин ул тосхгдв. Энүнә һурвн минһн свай цокж орулглв. Россельхозбанкин болн Биф Арт компаня хамцу төсв темдглсн зураһар күцәгджәнә. “Россельхозбанкин” Хальмгин филиалын директор Владилен Васильевин келсәр, тосхлытн көдлмш күцәхин төлә өрхл жува арлснг нааран йовулгдв.
“Россельхозбанкин” Хальмгин филиалын директор Владилен Васильевин келсәр, давсн жилин сентябрь сарас авн “Биф Арт” компаньд өрәл жува арлснг йовулгдв. Энүнәс һурвн зун жирн тавн сай арслнг мөнгн тосхлтын көдлмшт олзлгдв. Хойр зун арвн тавн сай арлснгагр һазадын орна оборудовань хулдж авгдв. Комплексин тосхлтд болн оборудовань хулдж авхин төлә банк цуг кергтә мөнгнәс далн тавн процентинь йовулв.
Инвестиционн төсв күцәлһнә йовудт йилһж өгсн кредитн мөнгн яһж тосхлтын көдлмшт олзлгджахин тускар дару-дарунь шинжлт кегднә. Удл уга тосхлт күцәхин төлә дарани мөнгн ирх зөвтә.
“Россельхозбанкин” Хальмгин филиалын директор Владилен Васильевин келсәр, хойр долан хонг болад тосхачнрин бригад ирж көдлх. Эдн тосхлтын дарани девснг күцәх. Комплексин эрс болн ораһинь бәрх. Банк дәкәд хойр зун сай асрлнг йовулх саната.
Хальмг танһчин агропроомышленн кластер бүрдәлһнд болн махна мал өсклһнә делгрлтд шин предприять сән нилчән күргх. Тер мет төсв социальн халхин төрмүд бас хаһлжана. Ода тосхлтын көдлмшиг бәәрн района тосхачнр күцәжәнә. Энүнә нилчәр районд көдлмш уга улсин то баһрв. Тер мет комплес эдлврт орхла энд нурһлж бәәрн района көдләчнр көдлх зөвтә. Көтчнрә района мах эд-бод кедг комплекс промышленн эдвлрт хойр минһн арвн дөрвдгч жилин негдгч кварталд орх зурата.
Бевина Мергн, Ирчин Алексей
