Грэпплингин үзүлврин марһан болв
Элст балһсна цутхлнгд соньн керг-үүлдвр бүрдәж давулгдв. Давсн амрлһна өдрмүдт грэпплингин федерацин спортсменмүдин үзүлврин марһан болв. Эн баһ наста спорт мана танһчд зуг хойр жил хооран экләд делгрлт авв. Тер бийнь хальмгин бөкнр әрәсән болн нарта-делкән марһаст сән үзмж бәрж чадв.
Иим эв-арһар ноолдсн бөкнр нег-негән көләснь авад, өвдкүртә эв-арһ олзлна. Иим эв-арһа талдан бөк бәрлдлһнд олзлж болшго, энүнд болхла иим эв-арһ эрк биш кергтә болна. Грэпплинг бөк бәрдлһн самбоһас, дзюдоһас, бразилин джиу-джитсусас, болн греко-римск бөк бәрлдлһнәс тогтна. Ноолдан диилвр бәртл болна. Нег бөк диилгдсән медүлх зөвтә. Сектәтә тренировкд болн үлзүлврин марһанд грэпплингин болн талдан өөрхн эв-арһин бөк бәрлдлһнә Әрәсән болн нарта-делкән марһасин дииләчнр болн призермуд орлцв.
Бразилин джиу-джитсуһар Әрәсән чемпион Баир Аракбиновин келсәр, грэпплингд цуг ноолдана эв-арһ орв. Эннь соньн болжана.
Давсн жилин грэпплингин ЮФО-н чемпионатын призер Дорж Дораевин келсәр, иим бөк бәрлдлһнә иргчнь сән болх. Тегәд цаарандан ноолдх санан бәәнә. Марһанд орлцад диилвр бәрх саната.
Иим соньн марһа хәләхәр олн улс цуглрв. Грэпплингин федерацин күцәгч директор Иван Ивановин келсәр, иим марһана һол күцлнь — Элст балһсна улст иим эв-арһ тархалһн болн иим бөк бәрлдлһнлә өөрхн таньлдлуһн болжана. Өдгә цагт Элст балһснд зун күн грэпплинг бөк бәрлдлһәр соньмсжана. Эннь зурһан наста көвүдәс авн арвн йисн нас күртл баһчуд.
Хальмг танһчин грэпплингин федерацин күцәгч директор Иван Ивановин келсәр, иим үзүлврин һол күцлнь мана танһчин улст грэпплингин тускар медүлһн, иим эв-арһла өөрхн таньлдулһн. Тер мет иим бөк бәрлдлһиг тарха кергтә.
Бөкнрин соньн ноолдаг Хальмг танһчин толһач Алексей Орлов ик оньган өгч хәләв. Ноолдан хөөн, Алексей Орлов цуг спортсменмүдиг йөрәв. СНХ Хальмг танһчин толһач Алексей Орловин келсәр, мана һазра улсин нилчәр иим бөк бәрлдлһн Хальмгт ирв. Ахр цагин эргцд хальмгин бөкнр сән үзмж бәрв. Ода Әрәсән марһана призермуд болн чемпионмуд бәәнә. Удл уга мана танһчин бөкнр Хорватьд одад Хальмг танһчин нер харсх.
Эн спорт ода чигн баһ наста. Әрәсәд зуг арвн жилдән делгрлт авчана. Мана танһчд болхла зуг хойр жил хооран ирв. Тер бийнь хальмгин бөкнр сән үзмж бәрж чадв. Тер тоод грэпплингиг нарта-делкән чемпион бәәнә. Хойр минһн арвн хойрдгч жилд иим нер Виталий Настинов зүүв. Эн жилин августын дундурар Виталий болн талдан чигн хальмгин бөкнр Хорватьд болх нарта-делкән чемпионатд мана танһчин нер харсх.
Елена Алексенко, Максим Мятежный
