Заһс бәрлһнә марһан болв
Хальмг танһчин толһачин кубокин төлә болсн заһс бәрлһнә марһанд танһчин райодын хамгин сән гисн заһсчнр болн талдан чигн регионмудын элчнр ирж орлцв. Һахуляр заһс бәрлһнә марһан Яшкульск района Ижл-Чоһран цувгд болв.
Марһанд орлцачнрин келсәр, диилвр бәрхин төлә эрдм болн дамшлт кергтә. Эн саамд дөрлдән чанһар бүрткж хәләгдх гиж зарһчнр темдглв. Товчлгч девснг күртл зуг хөрн нәәмн заһсч күр чадв. Теднә т оод хотл балһсна администрацин элчнр, инженермуд, фермермүд болн заһс бәрхдән дурта улс.
Эн күүнә келсәр, иим спорт таасгджана, кеер цевр аһар кииләд амрх саам учрв. Цуг спортсменмүд дала заһс бәрж чадв. Хамгин икәр заһс бәрсн күн диилвр бәрх гиж эн келнә.
Заһс бәрдг эрдмд дурта улс хоорндан нәәжнр болад, нег-негндән селвгүдәрн дөн күрнә. Зәрм әмтн өрк-бүләрн нааран ирв. Татьяна Вязигина һучн жил дурта эрдмдән өгв. Эврәннь авальтаһар хамдан Волгоградын хамцу командын ханьд оржана. Тавн настаһасн авн заһс бәржәнә. Ода эврәннь үрдүдтән иим эрдм дасхжана. лайф Татяна Вязигина келсәр, диилвр бәрхлә сән болх билә. Зуг эннь хамгин һол күцл биш. Энд олн нәәжнрән олж авч. Заһс бәрлһн йир жилвтә керг, олн улсиг авлна.
Марһан командн болн онц улсин тоо давулгдв. Хальмг танһчин заһс бәрлһнә спортын федерацин ахлач Эрдни Цатхаевин келсәр, ода мана регионд заһс бәрлһнә спорт жил ирәвс делгрлт авчана. Болв иим эрдмәр олн улсиг соньмсулхин төлә болн марһа өдгә цапгин некврлә ирлцәтәһәр бүрдәж давулх кергтә. Ода танһчин заһсчнр дундас цугәрәсән марһанд орлцх улс бәәнә.
Хальмг танһчин заһс бәрлһнә спортын федерацин ахлач Эрдни Цатхаевин келсәр, Хальмг танһчин түрүн чемпионатын һол күцлнь — заһс бәрлһнә спорт делгрүлһн болн эн эрдм тархалһн болжана. Урднь иим марһан болдго билә. Ода мана танһчд заһсчнр дала. Ода танһчин хамцу команд тогтах төр тәвгджәнә. Эдн талдан регионд мана танһчин нер харсх зөвтә.
Хамгин эвтә болн дамшлтта заһсчин нер зүүхд амр биш. Эднә бхәрсн заһсн нег килограммас әрә гиж давжана. Нурһлж бичкн шөрг, сазн, кет балг болн красноперк заһсн бәргднә. Тегәд чигшн диилвр бәрхд амр биш болна. Хажуһин күн диилвр бәрж чадшго. Заһс бәрхин төлә күн болһнд эврә нуувч бәәнә. Ямаран хот олзлж бәрхин тускар бас ухалх кергтә. Марһана хөөн бәрж авсн заһсиг чиннүрдв. Аштнь хамгин олн заһс Волгоградын команд хөрн негн килограмм бәрж авч. Онц марһанд эн командын элч Александр Трубников түрүн орм эзлв. Хальмгин заһсчнр болхла турнирн таблицд зуг һурвдчг орм эзлв. Олн заһс бәрж асн әмтн асхни хот гиж мах шөлтәһәр чанв. Бәрж авсн цуг заһсиг спортсменмүд хәрү һолд тәвж.
Ээнән Ольга, Очра Сергей
