Хол һазрас ирсн гиич мана танһчар соньмсжана
Энүг шатр, буддизм болн теегин гөрәсн соньмсулжана. Австраляс ирсн багш Хальмг танһчд ирхләрн икәр байрлна. Джастин Корфилд мана танһчд кесг дәкж иржәнә. Хальмгт ирсн болһндан йоста седклин байр авна гиж эн келнә.
Хальмг танһчд һурвдад иржәнә. Тогтсн авьясар Элстин лицейин сурһульчнрин төлә медрлин кичәл давулв. Бичкдүд һазадын орнас ирнс багшин үг болһниг хавлад, англь келәр болсн күүндврт орлцв. Эднә зәрмнь багшт сурврмуд өгв. Арвдгч классин сурһульч Алдр Эмиров англь кел меддг элчлә түрн болж күүнджәнә. Энүнә келсәр, багшин келсиг цугинь гилтә медв. Хол Австральд сурһульчнрин бәәдл-жирһлин тускар көвүд-күүкд соньмсв.
Элстин лицеин арвдгч классин сурһульч Алдр Эмировин келсәр, Австральд эрдм-сурһулин керг тас талдан. Тенд сәәнәр сурдг бичкдүдиг дөннә. Футбол нааддг көвүд государствин мөнгәр нарта-делкән марһанд йовж чаджана. Сурһульчнр дурта орн-нутгудт одж чадх. Экскурсьт одад, талдан бичкдүдлә хәрлцә бәрнә.
Джастина келсәр, Хальмг танһчин тускар хойр минһн доладгч жилд медж авч. Тиигхд эврәннь сурһльчнрлаһан хамдан шатрин клуб бүрдәхәр седж. Тиигхд интернетас хальмгин утскар соньт тоот медж авч. шатр эрдм-сурһулин программд орулсн тускар сонсв. Джастин Корфилд келсәр, Хальмг танһч зуг шатр биш, энд өвәрц шажн — буддизм, ке-сәәхн хурл, бамб цецгүд, теегин гөрәсн болн талдан чигн соньн юмн бәәхинь медж авла. Хойр минһн йисдгч жилд Хальмг танһчд түрүн болж ирв. Хөөннь хойр минһн арвн негдгч жилд сурһульчнран дахулад ирж. Тиигхд хальмгин шатрчнрла харһад, дамшлтарн хувалцх арһ учрв. Австралин көвүд-күүкд Элстин лицейд ирәд, хальмгин сурһульчнрла таньлдад үүрлдг болв. Джастина келсәр, лицеистнр англь кел йир сәәнәр меддгнь эдниг өврүлв. Һазадын орна гиичнрлә болсн харһлтд Амулнг Бадмаева бас орлцв. Келхд, эн күүкн Америкас одахн хәрж ирв. Тенд англь келнә дамшлт хоршав.
Амулнг Бадмаеван келсәр, урднь эдниг ирсн цагт харһад күүндх арһ учрв. Иим улсла харһад күүндхд йир олз-туста болв. Соньн харһлт ода күртл тодлраснь һархш.
Һучн жилдән багшлжах Валентина Улюмджиева көдлмшин кергәр кесг дәкж Англьд болн Америкд одсмн. Дамшлтта багшин келсәр, англь келәр келдг улсла күүндхлә сән дамшлт хоршагдна.
Элстин лицеин агнль келнә багш Валентина Улюмджиеван келсәр, Австраль өвәрц орн-нутг. Мана учебникүдт эн орн-нутгин туск материал бәәнә. сурюһульчнр энүг дасна. Англь келәр келдг күүнлә күүндхлә, йир олз-туста боласурюһульчнр энүг дасна. Англь келәр келдг күүнлә күүндхлә, йир олз-туста бола. Иим зәнг дегтрт уга, олж авч болшго. Учебникүдт йосна зәнг бәәнә. Австралин күүнлә күүндхлә тас талдан керг болжана.
Джастин Корфилд келвр бичхдән дурта күн. Хальмг танһчд ирснә тускар австралин школын туужин багш бас келвр бичх саната. Эн жилин чилгч күртл мана танһчин туск дегтрән бчәд төгсәх зурата. Иргчдән мана танһчд дәкнәс ирх саната.
Баира Петрова, Хавтхна Анатолий
