Удл уга Элстд шинрүлгдсн бичкдүдин сад секгдх
Элст балһсна арвн һурвдгч тойгта бичкдүдин сад көвүд-күүкдиг орулж авхдан белн болв. Ясврин болн шинрүлһнәкөдлмшин хөөн эн гер тас талдан бәәдл һарч одв. Августын чилгчәр шинрүлгдсн сад байрин бәәдлд секгдх. Эк-эцкнр болхла бичкдүдән нааран дарук долан хонгт авч ирх. Ода белдврин сүл көдлмш кегджәнә. Энүнәтускар мана сюжетд келгджәнә.
Шинрүлгдсн садт көвүд-күүкдт сән таалта болхин тускар эк-эцкнр алмацжахш. Багар бәәдг у-сарул хорас, көгжмин зал, медицинск кабинет бәәнә. Нааран орх көвүд-күүкдин то дегд ик болв. Бичкдүдин садт зуг йирн бичкдүд орж чадх. Элст балһсна бәәрн күүкд күн Валерия Церенован келсәр, дошкольн учреждень хотл балһсан цутхлнгд бәәснь энүнд таасгдв. Ода энүнәкүүкнь Элст балһсна хамгин сән гисн бичкдүдин садт орхла, санамр көдлмштән һарч болх.
Валерия Церенован келсәр, күүкн төрсн цагас авн садт орх чеерүд зогсжана. Шинрүлгдсн дошкольн учрежденьд наадлһна плошадк таасгдв. Энд бичкддүин төләцуг кергтәтаал бүрдәгдв.
Бичкдүдин садмут орм дутжах цагт, Элст балһсна һардачнр бичкдүдин поликлиникин гериг дошкольн эрдм-сурһулин системд өгхәр шиидв. Дөврн багин көвүд-күүкд хойр корпуст бәәх. Садын коллектив көдлмшән эклв. Ода сурһмжлачнр бичкн көвүд-күүкдин төләшин программ белджәнә.
Белочка садын һардач Лидия Хазыкован келсәр, августын нег шинәс авн дошкольн учрежденя колллектив экләд көдлжәнә. Ода көдләчнр бичкдүдин төл программ белджәнә. Белдврин сүл көдлмш кежәнә. Дарук долан хонгт бичкдүд нааран ирхмн.
Элст балһсна һардачнр шинрлүгдсн садын гериг шинжлж хәләв. Тавн сарин эргцд иим ик көдлмш кеж чадх гиж күн санжасн уга. Садын герин эргндк аһу нааран ирсн улсин оньг авлна. Шин дүүжнг, сег болн талдан чигн плошадк ке-сәәхн ширәр ширдж. Тосхлтын көдлмш кехин төләхотл балһсна хазнас арвн нәәмн сай арлснг йилһж өггдв.
Элст балһсна администрацин толһачин негдгч дарук Сергей Раровин келсәр, ут-тоодан дошкольн учреждень шинрүлж ясхин төләфедеральн бюджетас дөнцл зун сай арслнг авгдв. Энүг хөөно хәрү өгх кергтә. Эн жилин чилгч күртл дәкәд хойр сад экләд көдлх.
Талдан нег бичкдүдин сад Изотовин нертәуульнцд бәәнә. Энүг сентябрь сард секх зура бәәнә. Тер мет эн жил бичкдүдин төләнемр тавн зун орм секх саната. Ода Элст балһснд сад орхин төләтавн минһн көвүн-күүкн чеерүдт зогсжана.
