Аллергий гемәр бичкдүд олар гемтжәнә
Ода талдан төрмдүин тускар. Зунын кемд аллергий гемәр олн улс гемтнә. Урһмл болн цецгүд иим улст йоста хортн болж эдниг зована. Тер тоод бичкдүд бас икәр зовна. Специалистнрин келсәр, сүл цагт бичкн көвүд-күүкд поликлиникд олар ирдг болв. Энүнд мана үүдәгч баг ил герч болв.
Зунын кемд аллергия гем олн улсиг зована, тер тоод бичкдүд бас зовжана. Йисн наста Лана күүкнәэкнь Виктория Гришкина келсәр, август сар ирхинь әәмшгтәһәр күләв. һурвн жилдән күүкнь аллергия гемәр гемтжәнә. Ода Лана һазаран һарад күүкдләнаддг арһ уга болв. Нег үлү, сөөднь гемәс көлтәкүүкн мууһар унтна. Махмуднь жахшнад, нүднь улаһад, оньдин нәәдхәд, хамрасн усн һоожна.
Виктория Гришкина келсәр, хойр минһн арвн негдгч жиләс авн аллерголог эмчин хәләврт бәәнә. Хамртнь, нүднь эм кенә, таблетк ууна. Өдртнь һаза һардг арһ уга. Зуг халун номһрхла невчк һаза һарна. Зунын кемд улан болн әмтәхн хот-хол идхш.
Зурһан наста Алдар көвүн болхла аллерголог эмчд түрүн болж ирв. Көвүнәхамхрнь бүтхлә, нүднь улахла тер дарунь экнь көвүһән эмчд авч ирв. Эмчин келсәр, өдр болһн нааран тәвн күн ирнә. Ода һурвн наснас авн нәәмн зун көвүн-күүкн эмчин хәләврт бәәнә.
Зунын кемд урмһлын аллергий зована. Эмч бичж өгсн эм уужана. Ода эмнүлһн тус болжахш. Тегәд нааран ирвидн гиж эн күүкд күн келнә.
Специалистнрин цәәлһсәр, урмһлын аллергий гемәр Әрәсән Өмн үзгин регионмудын цуг әмтн гемтнә. Эннь эн һазрт урһжах урһмлла залһлдата. Жил ирвәс иим гемтәулсин то өсәд йовна. Иим гемиг цаглань эс эмнүлхлә, цаарандан давхцг гемәр гемтх әәмшг бәәнә. Аллергий гемәр гемтсн улс хамгин түрүн урһмл зүүтәхот-хол идж болшго гиж эмчнр селвг өгчәнә. Эннь бал, ясн, халва, козинаки болн янһг.
Танһчин бичкдүдин больницин эмч-аллерголог Тамар Трипалина келсәр, урмһлын болн цецгүдин тооснас саглулж эс болхла, герин терзмдүиг харнһулх кергтә, урһмл өвс авхмн биш, эмчин эм бичсн эм уух кергтә.
Аллергий гемиг тас эдгәж болхш. Зуг иим гемәс бийән саглулх кергтә. Эннь дегд күнд биш. Эмчнрин келсәр, урһмл болн цецгүд цецгәрсн кемд һаза кеер һарх керг уга.
