Танһчин улсиг көдлмшәр тетклһнә программар эн жил дөчн нәәмн инвалид улс көдлмшәр теткгдв
Эн жилин чилгч күртл улсиг көдлмшәр тетклһнә агентсв дәкәд чигн иим улст көдлмш олж өгх зурата. Эн амр биш төрин тускар мана зәнгч Ээнән Ольга келжәнә.
Любовь Монхаева бичкн цагасн авн инвалид болв. Элстин тавчдгч тойгта бичкдүдин садт медсестра болж одахн экләд көдлв. Көдлмш удан хәәсн уга. Бийән хөвтә күн гиж тоолжана. Юнгад гихлә, иим улст көдлмш авхд дегд күнд болна.
Хальмг танһчин предприятьмудын һардачнр инвалид улсиг көдлмшт авхла, эднд улсиг көдлмшәр тетклһнә церглт тәвн минһн арслнг йилһж өгнә. Эн мөнгәр кергтә оборудовань, мебель хулдж авч болх, болн көдлмшин төлә немр таал бүрдәж болжана. Любовь Монхаеван төлә көдлмштнь бас иим таал бүрдәгдв. Тавдгч тойгта бичкдүдин садын һардач Делгр Базырован келсәр, мана орн-нутгт инствалид улст нөкд болжахнь, эднд көдлмш олдхд дө3гән күргнә. Эннь йир сән.
Келхд, эн жил дөчн нәәмн инвалид күн көдлмшәр теткгдв. Элст балһсна улсиг көдлмшәр тетклһнә агентствин директор Ирина Конокован келсәр, танһчин предприятьмуд инвалид улсиг көдлмшт авх зөвтә. Болв харм төрхд, эднә зәрм һардачнр иим улсиг көдлмшт авхар седхш. СНХ Элст балһсна улсиг көдлмшәр тетклһнә агентствин директор Ирина Конокован келсәр, көдлмш уга улсиг мана цутхлн шишлн эрдм-сурһульд йовулна, эс гиж мергжлт өөдлүлһнә программар сурһна.
Конокован келсәр, инвалидмудын ик зунь гиигн көдлмш кеж чадх. тегәд иим улст көдлмш олж авхд күнд болна. Тегәд чигн ода олн инвалид улс бийдән ирлцх көдлмш хәәжәнә.
