Танһчин сурһульчнр тавн предметар ЕГЭ-н шүүвр өгв
Дөрвн предметар оср келнә, туужин, информатикин болн биологин ЕГЭ-н шүүврин аш медгдв. Танһчин эрдм-сурһулин болн номин министерсвтин зәнглсәр, государственн шүүврин аш зәнглснә хөөн хойр өдр болад, тәвсн баллмудын тускар апелляц орулж өгч болх. Тегәд эндр эн дөрвн предметар апелляц өглһнә сүл өдр болжана. Ода орс келнә шүүврин темдглә арвн тавн күн зөвшәржәхш. Эн жил орс келнә шүүвртин ашт дөрвн сурһульч зун балл авч чадв. Давсн жилд эн предметар хөрн зурһан күн хамгин олн балл авч чадла. Федеральн предметн комиссь найнас авн зун бьалл күртл ЕГЭ-н шүүвр өгсн сурһульчнрин көдлмшиг дәкәд нег шинжлж хәләх зурата. Тер тоод хальмг танһчин көвүд-күүкдин көдлмш дәкнәс бүрткж хәләх зура бәәнә. Ирина Кавкишеван тоолврар, хамгин баһ кемжәтә темдг авсн сурһульчнрин то эн жил баһрв. Давсн жилд иим көвүд-күүкдин то зун арвн һурвнд күсрн билә, эн жил зун зурһан күн иим темдг авч. Нурһлж эдн давсн жилмүдт школан төгсәсн сурһульчнр болжана. Тер мет эн тоод дунд эрдмин учрежденя болн асхан школмудын сурһульчнр болжана. Июнин арвн һурвнд арвн негдчг классин сурһульчнр литературин болн географин предметмудар ЕГЭ-г шүүвр өгхмн.
