Олн-әмтнә хуралын сунһврт һучн һурвн парть орлцх

Хальмг танчһин аһуд темдглгдж бичгдсн һучн һурвн политическ партьс Хальмг танһчин олн-әмтнә хуралын сунһврт орлцж чадхмн. Энүнә тускар эндр журналистнрла болсн пресс-конференцд Хальмгин сунһлһна комиссин ахлач Александр Дикалов зәнглв. Олн-әмтнә хуралдын депутатнрин хань сентябрин нәәмнд дууһан өглһнә өдр медгдх. Иим болзгиг хуралын дөчн зурһадгч сесси сүүр деер темдглв. Те мет энүнә тускар ирлцнһү закан батлж авгдв. Шин закан батлж авсна хөөн олнд зәнглһнә эв-арһд барлһсна хөөн дарук өдрәс авн үүлдврт орулгдв. Сентябьрин ннәмнд Хальмг танһчин хойр зун тәвн сунһлһна участкт дәкәд хойр сунһлһна компань болх. Эн өдр Көтчнрә района Көглт болн Целиннр района Ик-Чонс селәнә муниципальн бүрдәцин толһач сунһж авгдх. Дәкәд нег тодлад келхлә, хальмгин парламентин урдк сунһврт долан политическ парть орлцсн билә.