Танһчд бичкдүдин шин жилин байрин нәр-наадн болжана

Эн өдрмүдт мана танһчд бичкдүдин төлә шин жилин байрин нәр-наадн болжана. Туульсин дүрмүд, Киитн аав болн энүнә ач күүкнь Элст балһсна хөрн дөрвдгч садын көвүд-күүкд сергмжтә байр белглв. Бичкдүд болхла олн-зүсн ке-сәәхн белдж өмсв. Зәрм бичкдүд иргч жэилин темдг мөрнә костюм өмсж. Шин жилин байрин сө илвтә йовдл болх гиж эдн иткжәнә. Хуучн хойр минһн арвн һурвдгч жил төгсжәнә, шин хойр минһн арвн дөрвдгч жил иржәнә. Эн өдр өөрдх дутм бүкл жилдән күләжәсн байр сергмж оржана.

Шин жилин байр хамгин сергмжтә болн олн улс күләдг байр болжана. Бөдун улс байрлж шин жил күләнә, бичкдүд болхла илвтә йодвл ик кезәнәс авн күләнә. Иим илвтә йовдл эрк биш ирнә. Элст балһсна хөрн дөрвдгч садын көвүд-күүкд энүнд иткжәнә. Бичкдүд тадн шин жилин илвтә йовдл иткнәт аль угай? Иткнәвидн гиж эдн келнә.

Шин жилин байрла ямаран белг күләжәнәт. Киитн аавас әмтәхн белг күләнәвидн гиж көвүд-күүкд келнә.

Киитн Аав ямаран күцлән медүлнәт? Бөдун улс энүнә тускар эврә ухан-тоолврта. Тер бийнь эдн бас бичкн цаган мартжахш.

Арслан Тевлеевин келсәр, бичкн цагтан киитн Аав йосн биш медж авч. Энүнд бичкдүдин садын сурһмжлачнр урдаснь кен киитн аав болхин тускар келж өгдг бәәж.

Эльза Цеденован келсәр, күүкнь шин жилин байрт йир дурта. Байрин нәр-нааднд дурлж орлцна.

Бичкн көвүд күүкд болхла шин жиллә эрк биш илвтә йовдл учрна гиж эдн иткнә. Шин жилин байрин нәр-нааднд орлцад эдн ил герч болв.

Эн байрт бичкн көвүд-күүкд Цасн хатна туулин орлцачнр болв. Тер бйинь Киитн Аав эдн тал гиичд ирв. Энүнд бичкдүд билг-эрдмән үзүлв.

Шин жилин байр зуг нег өдрәр төгсхш. Шин жилин байрин хөөн православн Рождество, Хуучн шин жилин байр болна. Иим байр болһн эврә чинртәһәр нәр-наадтаһар шуугатаһар давулгдна. Бичкдүд болхла иим байрт дурлж орлцна.

Харлун Бадма, Хавтхна Анатолий