Интернет-сайт Элст балһсна арвдгч школд секгдв
“Депортация”. Иим нерәдлһтә интернет-сайт Элст балһсна арвдгч школд секгдв. Энүг хальмг улсиг цаажла харһулсн далдгч жилин һашута өөнд нерәдв. Иим сайт секх седвәр сурһульчнр орулж өгсмн. Эднә темдглсәр, күн болһн цаажла харһда күнд-түрү бәәдлд бәәсн эврәннь өөрхн улсин, элгн-садна, нәәжнрин тускар зәнг бичж чаджана.
Сүл хойр сарин эргцд сурһульчнр ик кичнртә көдлмш күцәв. Энүнә ашт депортация нертә интрнет-сайт бүрдәгдв. Эднә зураһар энүнд хальмг улсиг цаажла харһулсна туужин тускар хамгин ик электронн зәнг орх зөвтә. Хамгин түрүнд эврәннь туужан орулсн улс уднд арвн негдгч классин сурһульч Евгений Давашкин. Эн көвүн эврәннь ээж-аавиннь тууврин туск цагин тодлврмуд бичв.
Арвдгч школын арвн негдгч классин сурһульч Евгений Давашкина келсәр, орс ээж эднә өрк-бүлиг гертә орулж авч. Орс ээж бәәсн хотарн хувалцдг бәәж.
Эн төсв күцәсн цагт көвүд-күүкд шинжлтын көдлмш күцәв. Цаажин утскар бичсн дегтрмүд болн туужин номтнрин шинжлт умшв. Эднә келсәр, иим сайт хальмг улсин туужиг баһчудт мартулшго.
Сурһульчнр болн дорас өсж бичкдүд эврәннь келн-улсин туужиг медхин төлә иим сайт бүрдәв гиж эн келнә.
Хамгин түрүнд эврәнрь школасн эклх кергтә. школд олн туужин тускар меддг әмтн бәәнә. Удл уга энүг сайтд орулх гиж эн сурһульч темдглв. Иим сайт олзлхд эвтә, амрар көдлнә. Күн болһн энүнд орад, тууж умшж чадх. Эврәннь материалан бас орулж чаджана гиж эн сурһульч келнә.
Төсвин һардач Аркадий Муниевин келсәр, ода туужин үнн-чик бәәдл тогтахин төлә Хальмгт ик көдлмш кегджәнә. Көвүд-күүкд тууврт бәәсн улсла харһад күүндв. Жил ирвәс иим медәтнрин то баһрад йовна.
Интернет-сайтын төсвин һардач Аркадий Муниевин келсәр, Тууврт бәәсн улсас тар һашута цагин тускар медж авхд соньн болжана. Жил ирәв сиим улсин то баһрад йовна. Тегәд иим улсас бичж авсн тууж өвәрц болх зөвтә.
Дөчн һурвдгч жилин декабрин хөрн нәәмнәс авн дигтә далн жил болв. Тер жил киитн декабрь сарла цуг хальмгдудыг хол киитн Сиврт нүүлһсмн. “Улусы” нертә оперцаин йовдт кед күн әмнәсн хаһцсн тооһин тускар ода күртл туужин номтнр зүткнә. Сайт секлһнд орлцсн улсин келсәр, төрскн һазрасн арвн һурвн жилдән арвн һурвн өдр салад, күзүцә золвнг дааж һарсн улсла сайтын дөнгәр хәрлцә бәрж болх.
Күн болһн сайтд орж чаджана. Тер мет күн болһн уутвринц агин утскар эврәннь материалан энүнд бичж чадх.
Ээнән Делгр, Хулхачин Николай
