Таксофонмудын то баһрх

Элст балһсна уульнцд таксофонмудын то кесг холванд баһрх. Эдниг ясж хәләхин төлә дала мөнгн кергтә гиж Әрәсән залһлдана болн олна коммуникицин министерствд келнә. Ода хотл балһснд иим зу һар аппарат углж тәвгдв.

Өдгә цагт әмтн цугтан мобильн телефо олзлна. Таксофон олзлжах улсин то баһ. Телекоммуникационн компаня Хальмгин филиалын директор Арслнг Корняковин келсәр, болв зәрм цагт иим аппаратмуд кергтә болна. Бачм чинртә йовдлмуд учрхла, әмтн өнгәр МЧС-ин, полицин болн бачм медицинск церглтиг дуудж авч чадх. Нег үлү, мана танһчд холл селәд-поселкст сотов залһлдан уга. Иим ке-сәәхн өнгтә таксофонмуд болхла селәд-поселк болһнд углж тәвгдв. Элст балһсна бәәрн күн Владимир Мельниковин тодлсар, урднь телефон-автоматмуд әмтнд сән дөн болдг билә. Зәрмдән энүнд ик чеерүд цуглрдг бәәсмн. Ода болхла энүг яһж олзлхин тускар медхш, альд карточк хулдж авхан меджәхш. Ода хотл балһснд иим аппаратмуд бәәхин тускар зәрм элстихн меджәхш. Хотл балһсна улсин тоолврар, иим таксофонмуд кергтә, зуг цөн аппарат кергтә.

Ода Элст балһснд зун арвн һурвн таксофон бәәнә. Танһчин райодт хойр зун найн һурвн бәәнә. Удл уга эднә то зөвәр баһрх. Эдниг ясж хәләхд үнтә болна гиж Әрәсән залһлдана министерств келнә. давсн жилд эдниг ясхин төлә региональн министерств зун далн минһн арслнг һарһв. Эгл телефон-автоматмудас шин таксофонмуд олзхд олз-туста. Үлгүрнь, күүнджәх күүнә мөнгәр залһлда бәрж болх.

Болв ода иим аппаратмудг әмтн хамхлад үрәнә. Эннь хурц төрт хүврв. Энүнд мана үүдәгч ба ил герч болв. Аппаратмудын тавн трубк таслж, эднә кабинкс зуралад эрәлгдж, олн-зүсн зар наалһата бәәнә, кнопкснь көдлжәхш. Корняковин цәәлһсәр, таксофонмудт күүнд кергтә детальмуд уга, нег үлү, үнтә төмр уга. Кемр иим аппарат хамхлад авхла, тус уга болх. Иим аппаратмуд кергтә аль угай? Эннь цаг медх. Ода болхла кедү таксофон уульнцд бәәхин тускар күүндвр кегджәнә.

Ээнән Ольга, Хулхачин Николай, Котина Валерий