Эндр зарһин приставмудын заллтин коллегин сүүр болв
Эндр Хальмг танһчар зарһин приставмудын федеральн церглтин заллтин коллегин сүүр болв. Энүнд давсн жилин ведомствин көдлмшин аш диглгдв. Коллегин сүүрт Әрәсән зарһин приставмудын федеральн церглтин заллтин ахлачин дарук Владимир Воронин болн Хальмгин правительствин ахлач Игорь Зотов орлцв. Хальмг танһчин зарһин ах пристав Анатолий Таранов заллтин көдлмшин ашин тускар зәнглв. Нидн жил зун арвн хойр минһн керг күцәгдв. Зарһин нег пристав дундлад күсдундур минһн керг бүрткд күцәсмн. Зарһин приставмудын һол күцлнь — зарһин шиидврәр ял некж авад, бюджетд орулх, алвна өр данцалһна төр хаһлх күцл болжана. Нидн жил тавн зун найн нәәмн сай хйор зун дөчн минһн арслнг некж авгдв, бюджетд зун хөрн сай арслнг орулгдв. Давсн жилин ашар көдлмшин цуг кемжән күцәгдв. Прокуратурин көдләчнрлә өөрхн залһлда бәрж көдлх селвг өггдв. Владимир Воронин зәрм төрмүдиг эврәннь бүртклһнд авхан медүлв.
