Садв гемин диспансерин ясврин көдлмш төгсдән өөрдв

Элст балсһнд садв гемин диспансерин ясврин көдлмш төгсдән өөрдв. Келхд, эн ясврин көдлмш минһн йисн зун йирн тавдгч жилд эклсн билә. Арвн долан жилмүдин эргцд кесг көдлмш бүрдәж давулгдв, шин медицинск оборудовань хулдж авгдв.

Садв гемәр Алексей хойр минһн йисдгч жиләс авн гемтчәнә. һурвн жилдән Алексей эмнллһн Лола селәнд авд бәәсмн. Давсн жилмүдлә эн ясрин көдлмшиг дүнцүлхлә эндр өдр кегдсн капитальн ясвр сән.

Эмнллһн авсн улст ик гидгәр таагдна, цевр, у хорас, шин оборудовань, өдгә цага садв гемлә ноолда келхнә шин эм хулж авгдсн бәәнә.

Эндр өдр терапевтическ әнгд жирн зурһан күн эмнллһ Авчана. Олн жилдән эн диспансерт дамшллта эмчнр көдлжәнә. У коридорт шин мебель углж тәвгвд, ус уудыг кулер чигн бәәнә, диспансерин хорад дөрвн күн кевтнә.

Эн диспансерт эмнллһ Авчах күүнә келсәр ясврин хөөн ирсн орн таасгдна.

Садв гемин эмчнр эндр өдр шин цуг шин оборудовань хулдж авв. Лабораторьт көдлжәх эмчнр бас шин оборудованьта болв. Шин некврлә ирлцжәх оборудовань хамгин түрүнд эмнллһ Авчах улс туслмжан күргх.

Иргч зурад эн диспансерт талдан специалистнр чигн көдлх саната. Хамгин түрүнд энүнд хирургическ әнг көдлмән эклхәр бәәнә. Эн әнг минһн йисн зун йирн доладг чиләс авн көдләд уга.

Садв гемәр гемтсн улсиг эндр өдр хот холар тетклһнә туст дуту дундс бас бәәнә. Гемтсн улсин хот хол нег хонгт 250 арслнгт күрнә. Мөнгн уга болад эн мөнгн далн һурвн арслн күртл баһрв.

Садв гемин диспансерин ах эмчин дарук Светлана Джанджиевин келсәр эн туст бидн улан кирст гидг грант орлцар седжәнәвидн. Тер юнгад гихлә эн организац иим күнд гемәр гемтсн улст дөн нөкдән күргнә.

Садв гемәр гемтсн улс эндр өдр танһчин межә һатлго дор ормдан сән эмнллһ Авч чаджана.

Надежда Азыда, Владислав Бадмаран