Приютное селәнә баһчуд шог наад бүрдәв

Приютное селәнә баһчуд Әрәсән президентин суннһврт нерәдж шог наад бүрдәв. Эн соньн керг үүлдврт ик бичкн уга орлцв.

Хойр школын команд олн жилдән КВН нааднд орлцсн көвүд күүкдт дуудвр кев. Эдн хоорндан марһлдж шоган келв. Энүнд болхлаг хамгин түрүнд көвүд күүкд суннһврин зөв меддгнь жүрин гешүд хәләв. Жүрин гешүдт болхлаг эн селәнд болн районд бәәх нертә улс болн сунһврин комиссин элчнр бас орлцв. Эн наадн эклсн хөөн медицинск команд орлцжах көвүд күүкд нүүрт һарв. Эднә келсн шог олн улст таасгдв.

Наадана ашар «Недетское время» гидг көмандын көвүд күүкд диилвр бәрв. hурвн толһата Горыныч гидг команд келсн шогарн олн улсиг байрулв. «Золотой Запас» команд хойрдг орм авб. Март сарин 4 олн әмтн Әрәсән Президентиг шүүж авх тегәд эндр өдр мана президент ямаран болх зөвтәгисн сурврт баһчуд иигж келв. Мана Әрәсән президент йир сән, сурһальта, номһн, цаһан седклтә болх зөвтә гиж эдн хәрү өгв.

Приютненск районд Әрәсән президентин суннһврин өдрт цугнь белн бәәнә. Манһдур Кергтә цаас 12 сунһврин участкст йовулх. Арвн хойр участкст веб камерта. Сунһврин комиссин ахлач Мария Сагаеван келсәр күн болһн эн өдр интернетар дамжад сунһврин участкс болжах суннһвр хәләж чаджана. Эн районд болн бүкл Әрәсәд Сунһврин өдрин өмн өргнд цугнь белн бәәнә.Эн районд март сарин 4 нәәмн минһн долан зун күн эврәннь дууһан өгч чаджана.

Әрәсн президентин суннһврт күн болһн орлцх зөвтә, тер юнгад гихлә олн әмтнә сән жирһл мана һарт болжана.

Наталья Колдаева, Дмитрий Джамбинов