Премьер Игорь Зотов Ик-Буурла районд одв
Хальмг танһчин правительствин ахлач Игорь Зотов Ик-Буурла района предприять болн учрежденьсин һардачнрла харһлт кев. Энүнд хаалһс тосхлһна болн уудг усар тетклһнә төрмүд босхгдв. Эн саамд танһчин премьер-министр района сойлын герт, района цутхлнг больницд, улсиг социальн теткврин комплексн цутхлнгд одв, талдан чигн капитальн ясвр кех обьектмуд хәләж шинжлв. Иим ясвр кехин төлә мөнгн керглгджәнә. Тер мет Игорь Зотов бичкдүдин садын гер шинрүлж яслһна йовудла өөрхн таньлдв. Ода районд найн көвүн-күүкн дошкольн учрежденьд орх чеерүдт зогсжана. Энүнә хөөн Южный поселкд одв. Энүнд дошкольн учрежденьд ясвр кегджәнә. Иим ясврин хөөн бичкдүдин садын гер тас талдан бәәдл һарх. Энүнә тәвн тавн көвүн-күүкн орж чаджана. Тер мет Игорь Зотов хуучн гермүдт бәәх улсла харһлт кев. Эдниг хойр минһн арвн тавдгч жилд шин гермүдт нүүлһж орулх зура бәәнә. Ода бәәрн йосна элчнр белдврин көдлмш кежәнә. Энүнә төлә олн давхрта гермүд бәрх һазр йилһж өггджәнә.
