17 июля 2013, 15:04
“Партия за справедливость” нертә политическ партин гешүд олн-әмтнә хуралын депутатнрин кандидатнриг темдглж авв
Мана партин гешүд шин ухан-саната, шин чидлтә болн шин хәләцтә. Иигж “Партия за справедливость” нертә цугәрәсән политическ партин региональн әнгин гешүд тоолжана. Эн парть мана танһчд эн жилин апрель сард бүрдәгдв. Энүнә һардач Александр Цеденовин келсәр, партин гешүд өөрхн күцж чадх күцл өмнән тәвжәнә, эдниг яһж хаһлхин шиидвр авчана. Дарани биш конференцд арвн төр хәләгдв. Эднәс һол төр болж олн-әмтнә хуралын депутатнрин кандидатнрин списк темдглж авлһна төр хаһлгдв. Нуувчар дууһан өглһнә ашт арвн йисн күн депутатнрин кандидатнр болж сунһврт орлцх. Танһчин спискиг партин гешүд нег дууһар батлж авв.
