Олн-әмтнә хуралын депутатнрин сунһврин аш диглгдв
Хальмг танһчин олн-әмтнә хуралын депутатнрин болн Ик Чонса СМО-н депутатнрин сунһврт цуг сунһачнрас дөчн нәәмн һар процентнь дууһан өгв. Энүнә тускар эндр пресс-конференцд танһчин с унһлһна комиссин ахлач Александр Дикалов зәнглв. Энүнә темдглсәр, хойр минһн нәәмдчг жилд болн хуралын депутатнрин сунһврт ирсн улсин то эн жиләс ик билә. Дәкәд нег тодлад келхлә, эврәннь кандидатнран хөрн һурвн политическ парть сунюһврт орулв. Энүнә ашар “Единая Россия” партин төлә тәвн негн һар процентнь дууһан өгв, Эннь олн-әмтнә хуралд арвн нәәмн орм өгчәнә. КПРФ парламентд дөрвн орм авв, эдниг сунһачнрин арвн негн һар процентнь дөннв. Йисн һар процент авсн “Гражданская платформа” парть хуралд һурвн орм авв. Хойр орм “Патриоты России” партин элчнр эзлх. Эднә төлә зурһан шаху процентнь дууһан өгч. Хамгин олн сунһачнр далн йисн процентнь Хар Һазра районд дууһан өгв.
