Олимпийск һал арвн хойр өдр болад Элстд ирх
Хальмг танһчд олимпийск һал арвн хойр өдр болад ирх. Эн өдрмүдт үвлин олимпийск наадна һол темдгиг Мичуринск болн Липецк балһсд тосжана. Январин хөрн тавнд олимпийск эстафет Элст балһснд ирхмн. Байрин бүрдәһәчнр — танһчин спортын, туризмин болн баһчудын политикин министерств, сойлын министерств, Элст балһсна администрац, дотр-дундын кергүдин заллтин элчнр, эрүл-менд харлһна министерствин специалистнр хамцу белдврин керг-үүлдвр бүрдәж давулв.
Хальмг танһчин хотл балһсна аһуһар давж һарх олимпийск һал тосхлһна белврин болн кергтә цәәлһвр өгхин төлә бүрдәмжин комитет энүнд орлцачнриг цуглулад, иргч байрта йовдлын тускар келж өгв. Элст балһснд олимпийск һал авч йовх улс чанһ-чиирг болх зөвтә, иргч ончта йовдлын чинриг сәәнәр медж авх зөвтә. Ода олимпийск һалын бамбр дуралһж энүг кеж һарһв. Январин хөрн тавнд бембә өдр өрүн эрт Ставрополь балһснас томр хаалһар олимпийск һал Хальмгин хотл балһснд ирх. Һалы бамбр утдан йирн тавн сантиметр, күсдундур килорамм татна. Тегәд энүг һартан бәрәд хойр зун метрт гүүхд амр биш болх. Нег үлү иим дааврта керг күцәжәх улс үүмәд, иим ик чинртә йовдлд орлцсндан байрлх зөвтә.
СССР-ин спортын мастер, Уралан командын футболист болн тренер Александр Скрынниковин келсәр, ода деерән иим ик йовдылн чинриг бидн сәәнәр медәд угавидн. Эннь һал ирсн кемд медгдх.
Элст балһснд олимпийск һал тосж авлһна төлә белдврин көдлмш дигтә нег жил хооран эклсмн. Тиигхд Сочи балһснд болх үвлин олимпийск наадна бүрдәмжин комитетла олн-зүсн халхар зөвшәлтин болн белдврин көдлмш кегдв. Хамгин түрүнд Хальмг танһчар олимпийск һалывн бамбр авч йовх улсин списк кегдв. Ода эн списк батлж авгдв. Энүнд ханьд жирн тавн күн орв. Бүклднь эн спискиг январин хөрн негнд бүрдәмжин комитетин шишлнг баг Элст балһснд ирсн хөөн батлж авх зөвтә.
Хальмгин спортын, баһчудын болн туризмин министр Александр Гедерим келсәр, олимпийск һал авч йовх күн болһниг әәмшг уга бәәлһнә церглтин зурһан элч дахж йовх. Тер мет эднә өөр спортсменмүд гүүх. Олимпийск һалын маршрутар бүрдмәжин комитетин элчнр бүртклһнә көдлмш кех.
Январин хөрн тавнд өүрн йисн час һучн минутла олимпийск һал Элст балһснд төмр хаалһин вокзалас Ока Городовиковин бумбин өөр давж һарда, Герасименко нертә уульнцар авч йовгдх. Энүнә хөөн Ленина нертә уульнцар Остап Бендерин проспект тал һарч йовад, Увш хаана бумбд күрх. Дарунь Пюрбеевин, Клыковин, Пушкина нертә уульнцар давж һарда, Сусеевин нертә уульнцд күрәд, Хальмгин универистетин хойрдгч корпуст күрәд, Очра Номтын уульнцар авч йовгдх, энүнә хөөн Иньглт паркд күрх, Жанһрин нертә уульнцар йовх, “Золотой всадник” бумбд күрәд, Буденный нертә уульнцар авч йовгдх. Энүнә хөөн дәкнәс Пушкина нертә уульнцар авч йовгдад, Элстин цутхлнг тавлнгд күрх.
Энд байрин юол концертн плошадк көдлх. Ут-турштан хотл балһсар олимпийск һал арвн хойр дуунад авч йовгдх. Ода энүнә төлә сүл белдврин көдмлш кегджәнә. Энүнд танһчин спортын, туризмин, баһчудын политикин министерств, сойлын министерств, Элст балһсна администрац, полицин көдләчнр, эрүл-менд харлһна министерствин специалистнр, танһчин художественн коллективмуд, болн зун найн волонтер орлцжана. Элст балһсна бәәрн әмтн болн танһчин райодын улс иим ик чинртә йовдлд бас орлцх гиж бүрдәһәчнр нәәлжәнә.
Хальмгин сойлын министр Амулнг Учурован келсәр, оад бюүрдәмжин комитет цуг арһ-чидлн агсж көдлжәнә, ода сүл белдврин көдлмш кегджәнә. Одахн Яшкуль селәнд бүрдәмжин комитетин сүүр болв. Ода Элст балһсна уульнцар цәәлһврин көдлмш кегджәнә. Олимпийск һал авч йовх цуг улс өгсн даалһврин сәәнәр күцәв, темдглсн болзгт гүүж ирв. Эднд цуг кергтхә цәәлһвр өггдв.
Январин хөрн тавнд арвн һурвн час һучн минутла ооимпийск һалын бамбр машиһар Яшкуль селнәд һарч йовх. Тенд арвн тавн час арвн тавн минутла энүг района бәәрн улс тосж авх. Тенд олимпийск һал нег частан бәәх. Энүнә хөөөн Грецин Олимп уулд шатасн һалын шишлнг баг Әәдрхн балһснд күргх. Келхд, олмпийск һал Әрәсән цуг республиксар, областьмудар болн краймудар давж һарх зөвтә. Яшкульн селәнд олимпийск юал байрин бәәдлд тосж авхин төлә сүл белдврин керг-үүлдвр январин арвн зурһанд болх.
Хавтхна Элла, Котина Валерий
