Октябрьск районд Төрскән харсгч дәәнә орлцач Хожин Әәтин бумб секгдв
Диилврин өдрлә ирлцүлж Октябрьск района Цаһан Нур селәнд Төрскән харсгч дәәнә орлцач Хожин Әәтин бумб секгд. Энүг мана танһчд нертә скульптор Степан Ботиев үүдәсмн. Эн темдгтә керг-үүлдврт элгн-саднь болн селәнә бәәрн әмтн орлцв. Төрскән харсгч алдр дәәнә һалд Хожин Әәт Деед үзгин фронтд Украина Славута селәнд дәәлдж йовсмн. 41-гч болн 42-гч жилд Украинас цергә әнгин командирин нерн деерәс ханлтын бичгүд ирсн болдг. Хойр жил давад 44-гч жилин январь сард Ходжаев әмнәсн хаһцсмн.Болв эн күүнә зөрмг йовдл кезәд чигн мартгдх зөв уга.
Октябрьск района Цаһан Нур селән ик биш болв чигн, бумвлв секлһнә керг үүлдврт олн әмтн хурв. Эрүл менднь муурсн көгшдүд чигн нааран ирж, Төскән Харсгч дәәнә орлцач Айт Бадмаевич Ходжаевин санлнь тевчв. Цаһан седклтә күр күүндвр кехтән дурта күн билә гиж медәтнр тодлна. Малчин көвүн эк эцкән дахад малын ард йовж нөкд болдг бәәсмн. hучн йисдгч жил Элстд банкд экләд көдлсмн, цөөкн сар болад Улан цергт мордв. дарунь деед фронтд Славута селәнд экләд дәәнд орлцсмн. Дөчн негдгч болн дөчн хойрдгч жилмүдт Украинас цергә әнгәс ханлтин бичг ирсмн. Дәкәд хойр жил болад январь сарин дөчн дөрвнд төрскән харсч зөрмг кевәр әмнәсн хаһцсмн.
Өдгә цагт Цаһан Нурт Айт Ходжаевд бумлв углгдж тәвгдв. Олн жил хооран энүнә элгн саднь оршагдсн һазринь олж чадлго бәәв. Айт бадмаевичин ахиннь аваль Раиса Ходжаева келсәр найдгч жиләс авн хәәврин көдлмш эклсмн. Архивн церглтин көдләчнрлә болн талдан чигн улсла чигн бичг бичәд хәәсн билә Аштнь Айта Ходжаев хортнла зөрмг кевәр дәәлдәд, Украина Киевск областьд әмнәсн хаһцв гисн һундлта зәнг ирв.
Ходжаевихнә өрк бүл ууһн көвүһән өкәрләд авһиннь Айта нер өгсмн. Энүнә келсәр дәәнд орн нутган баатр кевәр харсад әмнәсн хаһцснь авһдан бумлв тәвәд санлнь тевчсн йовдл бахмж болна.
Тегәд 88-гч жил Украина Киевск областин лукьяновка селәнд оршагдсн айта Ходжаевин цогцднь дүнь болн ачнрнь йовж мөргж санлнь тевчсмн. Ода 24 жил болад төрскн һазртнь бумблв тәвгдсмн. Михаил бадмаевич болн энүнә отхн көвүнь Эрднь Ходжаевин нилчәр болн өөрхн элгн саднь дәкәд болхла Цаһан Нуура чидәхнә арвна улс мөнгнә тәвцән күргснь Онц темдглх кергтә. Эннь учрта. Юнгад гихлә Цаһан Нуурин әмтнә санлд Айта Ходжаев йоста баатр болж үлдсмн.
Тегәд эврәннь баатрмудан әмтн дуунд орулж мөнкрүлсмн. Энүнә үгнь Айта Ходжаевин эгчнь Кермн Эняева бичсмн гиж келнә. Төрскән харсгч Алдр дәәнә жилмүдт Әәт майориг цуг әмтн таасж дуулдг бәәсмн. Эндр өдр күртл әмтнә дүрта дүүна тоод йовна.
Ээнән Ольга, Жамбин Дмитрий
