Октябрьск района Широкий нертә усна булгиг экләд цеврлжәнә

Октябрьск района бәәрн әмтн хойр долан хонгтан му чинртә ус уужав. Специалистнрин цәәлһсәр, үвлин кемд догшн киитн болснас көлтә района аһуд бәәх Широкий нертә усна булгд усн үрәд, му үнртә болв. Болв хойр хонг хооран эн туст бәәдл сольгдв. Ода Широкий нертә усна булгиг экләд цеврлжәнә. Энүнәс района һурвн селән — Восход, Ик Царнг болн Мирный поселкс уудг усар теткгджәнә.

Давсн үвләр догшн киитн болснас көлтә Широкий нертә усна булгд усн көрәд, гүүлго, кесгтән зогсад үрв. Тегәд чигн эн му үнртә болсмн. Эн усиг цеврлхд күнд болжана, тер бийнь ахр цагин эргцт эркн чинртә керг-үүлдвр күцәх кергтә.

Эн булгин усн 1962-гч жиләс авн олзлгджана. Урд цагт арвн жилин эргцт нег дәкч цеврлдг биләвидн. Үнәртнь келхд жилд нег дәкч цеврлх кергтә гиж октябрьск района муниципальн бүрдәцин ахлачин дарук Роман Манджиев келнә.

Усна йоралиг цеврлнә гидг амр керг биш. йосндан йоралднь күрч тенд хурсн хог-богас цеврлсн деерән, унгинь эд-бод кех кергтә.

Эн канал өргндән метр, утдан арвн километр тогтажана. Энүг цеврллһнд цугтан орлцжанавидн. нег өдрин эгд зуг 5 метр ценврлвдн гиж “Водоканал” негдлтин генеральн директор Зергента Озаев темдглнә.

Эн өдрмүдт эндәс усн олзлгда бәәһә. Тегәд цеврллһнә көдлмш зунын чилгч күртл күцәгдх бәәдлтә. Урд цагт механическ эв-авһар цеврлдг биләвидн. Ода болхла өдгә цага олн-зүсн эв-арһ олзлж болхмн. Эн халхар маднд Әәрдхнәс ик дөнг-нөкд ирсн бәәнә гиж октябрьск района администрацин ахлач Санал Адьяев келв.

Ик-Царн селәнә әмтиг сән чинртә усар теткхин кергт района администрац цуг арһан олзлж шунжана. Олна арһар, дөнг-нөкдәр күцәгджәх тоот сән ашта болх гиж нәәлжәнәвидн.

Санкун Кермн, Жамбин Дмитрий