6 июля 2012, 14:54
Хальмг танһчин арвн минһн өрк-бүл экин мөнгнә сертификат авсн бәәнә
2007-гч жиләс авн Хальмг танһчин арвн минһн өрк-бүл экин мөнгнә сертификат авсн бәәнә. Эн жилин эклцәс авн хойрдгч болн һурвдгч үрән һарһсн йисн зун экнр сертификатан авв. Хамгин олар Элст балһснд З52 күүкд күн сертификатта болв. Цааранднь Целинн болн Хар-Һазра райодын күүкд улс йовна. Сертификат авсн экнрәс хойр минһнь нилхдин мөнгән бәәцән ясруллһна кергт орулхар шиидцхәв. Баһ наста өрк-бүлмүд эн мөнгн деерән банкас немр кредит авад, олн давхрта гермүтд патьр хулдж авчацхана. Бәәцин кредитиг дангцалһна кергт пенсионн көрнгәс 410 сай арслн йовулгдсн бәәнә. 22 сай арслнг болхла, гермүд тосхлһнд йовулгдсн бәәнә. З2 өрк-бүл болхла, экин мөнгән күүкдиннь сурһульд орулхар шиидсмн.
