Намр төгсхдән өөрдәд ирв
Намр төгсхдән өөрдәд ирв. Тегәд танһчин улст өөрдж йовх үвләс ю күләхмн? Нег үлү, эн кемд хаалһ хальтрата машид залхд күнд болна.
Элстд ик киитн өдрмүд ирәд уга. Маши залачнр машинань төгәсән ода чигн соля дуга. Сүл өдрмүдт сөөднь баһ-саһар хур-цасн орад зөвәр киитрнә тер бийнь жолачнр адһжахш гиж мастерскойин көдләчнр темдглнә.
Өдгә цагт өрүнд чиг бәәнә, тенгрин бәәдл киитн болна. Иим йовдлд эртәснь белдх кергтә-гиж шиномонтажин мастер Александр Соколов келнә.
Балһсна коммунальн церглтин көдләчнр болхла тенгрин бәәдлин ямр чигн йовдлд белн бәәхән медүлжәнә. Кемржән манһдур киитрәд, хаалһ мөстхлә маднд цуг кергтә тоот бәәнә гиж балһсна эдл-ахун ах механик Евгений Попенко келнә. Өдгә цагт болхла генткн манһдур киитрхмн гиж келж болшго, юнгад гихлә, Хальмгт ода чигн дулан, тенгрин бәәдл намрин кевәр бәәһә. Нам синоптикүдин зәнглсәр, эн долан хонгин чилгчәр һаза зөвәр дулан болхмн. Зуг сөөд танһчин зәрм райодар киитрхмн. амрлһна өдрмүдт болхла салькна күчн икдхмн.
Хаалһ мөстх, хальтрата болх гиж зуралгджахш. Цуг эн тоотын тускар мандн метеорог — Жирһл Баденова зәнглв. Борлв үвл кезә нег цагт ирхмн, тегәд эртәснь белдвр кех кергтә.
Дмитрин Татьяна, Ирчинә Алексей
