Келн-улсин драматическ театрт «Девичья честь» нааднa түрүн үзүлвр болхмн

Эн долан хонгин чилгчәр келн-улсин драматическ театрт Балыка Санжин бичсн «Девичья честь» нертә түүкәр тәвгдсн наадна түрүн үзүлвр болхмн. Хальмг келн-улс революцд орлцсна йовдлд, туужд болн сойлд нерәдгджәнә.

Спектаклин түрүн узүвлин өмн Марий Эл республикин ачта үүлдәч Василий Пектеев сүв-селвг өгчәнә. Ода цагт һардачнрин чиклвр угаһар хальмг улсин туужин тускар ил келж болжана гиж режиссер темдглнә. Улан болн цаһан цергчнрин хоорнд цүүгән һарчана. Пектеевин келсәр, эн түүкд олн дүр үзүлгджәнә.

Режиссер Василий Пектеевин келсәр, тер цагин болн әмтнә үзж йовсн зовлнгин тускар олнд күргж медүллһн нәрн төр болжана. Әмнәсн хаһцхин өмн эн улс революцин өмн эднә баһ дүүврин насни цагт болсн йовдлмудин туск ухан-тоолвр эн нааднд үзүлгджәнә.

1916гч жилд олн улс эрдм-сурһуль дасж шин интеллигенц бүркгджәх дәәнә цагт эн йовдлмуд учржана. "Девичья честь" нертә түүкин баһ наста улс дуран хадһлхин болн зовлнгас бийән гетлүлхин төлә әмнәсн хаһцх шиидвр авна. Бадни һол дүр наадх санаһан баһ биш актермуд медүлсн билә. Тиим болв чигн Бүрч Оргадыков эн дүр наадх йовдл учрв.

Санкт-Петербургин билг-эрдмин академь төгсәсн Эльза Бембеевад Зиндми дүр наадхд күнд болад бәәв гиж келнә. Эннь учрта, юнгад гихлә цуг тоот революцин күнд цагиг үзүлжәнә. Эн көдлмш күүкнд соньн болжана. Эврәннь билг-эрдмән олн-зүсн халхар үзүлж, бийдән шингәж авчана.

Эльза Бембееван келсәр, мини наачах дүр амр биш. Тер цага занг үзүлхәр зүткжәнәв. Нанд ода цага бәәдл олнд күргж медүлхд амр болх билә.

Санж Балыковин түүк 19З8-гч жил һазадын орн нутгт түрүн болж барлгдсн билә. Эн түүрвәчд эврәннь намтрар дамжж орн-нутгин цуг зовлнгиг үзүлсн деерән хальмг улсин авг-бәрцлә таньлдулжана.

Ээнән Ольга, Колдан Церн