Муниципальн олимпиадт Элст балһсна нег минһн сурһульч орлцжана
Цугәрәсән олимпиадын муниципальн хойрдгч девснгд Элст балһсна нег минһн сурһульч орлцжана. Эндр өдрт көвүд-күүкд орс келнәболн литературин, эсвин, физикин предметмудар медрлән үзүлв. Энүнд диилвр бәрсн сурһульчнр иргч жилин январь сард региональн девснгд орлцх зөв авхмн. Эн жил олимпиад давулһнд ямаран сольвр орулгдсна тускар мана зәнгч НәдвдәТамара келжәнә.
Эн жил орс келнә болн литературин марһанд сурһульчнр дөрвн часин эргцд шүлг шинжлх зөвтә билә, толин статья бичх даалһвр күцәв. Йисдгч классин сурһульч Екатерина Надбитова литературин олимпиадт кесг жил дарандан орлцжана. Давсн жилд тавдгч орм эзлв. Эн жил болхла призермудын тоод орх санатав гиж Екатерина келнә. Энүнәтоолврар, литературин предмет сәәнәр медхин төләшинжлт кеһәд, материалыг сәәнәр ухалж батлж авх кергтә. Тегәд олимпиадт Екатерина тохнята белдвр кев. Элст балһсна олн халхта гимназин сурһульч Екатерина Надбитован келсәр, литературин предметар болх олимпиадт белдвр кехләрн, интернетд олн-зүсн материал олж авад, олзлв. Тер мет школьн программар бичәчнрин үүдәврмүд умшад, текст шинжлв, шүлг бичв, статья белдв. Тер мет иим белдвр ЕГЭ-н шүүврт сән дөн болна гиж Екатерина келнә.
Олимпиадт белдвр кесн цагт инновационн эв-арһ олзлх арһ учрв. Өдгәцагт зәнг дала болв. Жил ирвәс сурһульчнрин медрлин кемжән өөдләд йовна. Тегәд чигн бичкдүд марһанд сән үзмж бәрдг болв. Элст балһсна мэрийн эрдм-сурһулин заллтин ах специалист Нина Малиеван келсәр, жил ирвәс көвүд-күүкд олимпиадт сән белдвр кедг болв. Багшнр бас эн туст дамшлт хоршана. Сурһульчнр интернет сәәнәр олзлжана. Шалһгч литератур умшдг болв. Цугәрәсән олимпиадт мана танһчин эчлнр сән күцәмж бәрх гиж нәәлжәнәвидн.
Келхд, эн жил олимпиад давулһна эв-арю сольгдв. Урднь нег өдр кесг предметар марһан болдг билә. Ода болхла зуг хойр предметар дөрлдән бүрдәгднә. Билгтәкөвүд-күүкд олн предметар медрлән үзүлх арһ учрв. Элст балһсна мэрийн эрдм-сурһулин заллтин ахлачин дарук Элеонора Манджиеван келсәр, Урднь инноваицонн эрдм-сурһулин, тер тооод билгтәбичкдүдин цутхлнгин, олн халхта гимназин болн нань чигн ииим гимназьмудын сурһульчнр эврәннь заведеньдан диилвр бәрәд, танһчин марһанд орлцх зөв авдг билә. Ода болхла эдн талдан школммудын эчлнрләхамдан медрлән үзүлж дөрлджәнә. нег халхаснь школмудын сурһульчнрт диилвр бәрхд күнд болв, талдан халхаснь иим школмудын элчнрт сән үзмж бәрхд урмд өгв гиж Манджиева темдглв.
Кемр олимпиадт орлцсн сурһульч дөрлдән ашла эс зөвшәрхлә, эрлһ орулж чадх. Орс келнәболн эсвин предметмудар болсн олимпи адын хөөн, зәрм сурһульчнрт марһана комиссь темдгинь өөдлүлв. Эн жил билгтәкөвүд-күүкд ут-тоодан хөрн предметар медрлән үзүлх. Марһана дииләчнр цугәрәсән олимпиадын региональн девснгд орлцх зөв авх.
