Баһ наста номтнрин нарта-делкән номин конференц Ар Кавказин государственн техническ университетд болв
Әрәсән иргчин төлә баһ наста экономистнр. Иим нерәдлһтә оютнрин болн баһ наста номтнрин нарта-делкән номин һурвдгч конференц Ар Кавказин государственн техническ университетд болв. Хальмгин университетин экономическ факультетин тавн оют эврәннь шинжлтән үзүләд, призермудын тоод орв. Баһ наста номнрин күцәмжин тускар мана сюжетд келгджәнә.
Ставрополь балһснд болсни нарта-делкән номин конференцд Хальмгин университетин эклномическ факультетин һурвн оют призермудын тоод орв. Мана танһчин деед сурһулин экономическ факультетин дөрвдгч курсын оютн Марина Павлова нарта-делкән марһанд орлцхар шиидв. Келхд, хальмгин государственн университет иим марһанд түрүн болж орлцжана. Тегәд оютнр дааврта болн тохнята белдвр кев. Нег үлү Маринан шинжлсн төр энүнд өөрхн болв. Аграрн комплексин делгрлтин төрәр билгтә оютн ик кезәнәс авн номин шинжлт кежәнә. Марина Павлован келсәр, махна болн үснәмал өсклһнәхалхар үүлджәх программар эврәннь шинжлтән кеж. Мана танһч аграрн болад, иим төр шүүж авч. Ода хот-хоолар тетклһн ик чинр зүүжәнә. Олна мал өскхин төлә сән шимтә хот кергтә, фермермүдт дөн күргхләсән болх гиж Марина тоолжана.
Ставрополь балһснд болсн конференцин ашар Марина Павлова негдгчд девснгин дипломар ачлгдв. Хальмг танһчин селәнәэдл-ахун делгрлтд дөн болх санан баһ наста номтнрт ик урмд өгв. Марһанд белдвр кесн цагт эрк биш диилвр бәрх күцл тәвгдсн уга. Келхд, хальмгин һурвн оют цугтан сән күцәмж бәрв. Хальмг тохма бод мал өсклһнә экономическ чинрин тускар шинжлт кесн Игорь Манджиев конференцд һурвдгч орм эзлв. Игорь Манджиевин келсәр, Хальмг танһч делгрлтин хаалһд орх зөвтә. Эн туст хальмг тохма мал өсклһнд онц оньг өггджәнә. Хальмг тохма мал сән продукц өгнә, мана теегт сәәнәр өсж, ик теслттә мал болжана.
ВЗК: Баһ наста экономистнрин номин һардач Тамара Цатхланова оютнрин бәрсн күцәмжд байрлв. Энүнәтоолврар, иим ик чинртә нарта-делкән марһанд оютнр орлцхла, эднә мергжлт өөдлнә, сән медрл болн дамшлт хоршагдна.
Тамара Цатхланова — Хальмгин университетин экономикин кафедрин һардач
Баһ наста экономистнр сәхн күцәмж бәрснд күндлһнәһашгудар ачлгдсн деерән, университетас мөнгнә мөрә авв. Шүүж авсн мөрәһән баһ наста номтнр олз-тустаһар олзлад, гүн шинжлт кех саната.
