Москва балһснд йовдг автобусмудын билетин үн хаһжр кевәр өсж

Москва-Элст хоорнд йовжах автобусмудын билетин үн учр угаһар өсж. Элст балһсна прокуратур тарифмудын региональн церглтлә хамдан эн халхар бүртклһ кев. Танһчин болн областьмуд хоорндк аһуһар әмт болн багаж автомобильн көлгн-күчәр зөөлһнә тарифмудыг Хальмг танһчин тарифмудын региональн церглт тогтана. Эн церглтин закврар, нег дуунад әмт зөөхлә нег арслнг хөрн тавн деншг авгдх зөвтә. Элст-Моска-Элст хоорнд әмт зөөлһнә керг күцәжәх организацс үн тогталһна зокал эвдж гиж бүртклһнә ашт илткгдв. Государствин тогтасн үн икдүлснә ашт, билетин үн нег минһн йисн зун арслнг тогтадг болв. Иим организацсин генеральн директормуд административн засгла харһулгдх гиж бүртклнә хөөн Элстин прокурор шиидв. Эндр өдрт билетин үн урдк кевәрн үлдв. Ода әмтн нег минһн зурһан зун долан арслнг өгчәнә.