Лаганя нег герт хаһрдг эв-арһ бәәнә гисн худл зәнг ирв

Лагань балһсна нег герт хаһрдг эв-арһ бәәнә гисн зәнг полицин дежурн әнгд телефоһар ирв. Тер дарунь МВД-н көдләчнр заагдсн герт ирв. Герин бәәрн әмтн болн хам-хоша бәәх гермүдәс әмтн һарһгдв. Шинжлт кесн хөөн хаһрдг эв-арһ илткгдсн уга. Полицин көдләчнр худл зәнг тархасн кү тер дарунь бәрж авв. Эннь Лагань балһсна хөрн йисн наста күн болж һарв. Эн күн сокту бәәж. Худл зәнг тархасна тускар келж өгв. Ода эн күн талдан һазрт һарч йовшго цаас бичв. Эн йовдлар уголовн керг күцәгджәнә. Терроризм, заложникүдиг күчәр бәрж авлһн болн теероризмин туск худл зәнг олн улсин әәмшг уга бәәлһнә халхар зака эвдсн йовдлмудас хамгин күнд гиж тоолгдна. Иим улсиг хойр зун минһн арслнг ялд унһах эс гиж һурвн жилдән түүрмд суулһх закан бәәнә.