Көгжмин училищин сурһульчнрин товчлгч концерт болв

Нарн өдрлә негдгч тойгта бичкдүдин көгжмин училишин сурһульчнр эн жилин товчлгч концертан үзүлв. Концертин йовудт йилһән сәәнәр сурһулән чиләсн көвүд күүкдиг күндллһнә һашгар ачлв. Эн жил школын сурһульчнр дөрвн концерт өгв олн зүсн марһан фестивальмудт орлцв.

Долан Наста Виктория Дорджиева хальмг Хальмг Танһчин “Юные дарования “нерәдллһтә марһана лауреат. Волгодонск балһснд болсн региональн дунд давулгдсн марһанд Доржин Виктория дипломант болв. Тегәд Виктория эврәннь көгжмин училишд давулдг товчлгч концертд дангин орлцад билг эрдмән үзүләд дөн нөкдән күргнә. Дөрвн настадан экнь күүкән көгжмин училишд ав. Жил давсн хөөн күүкн билг эрдмән үзүләд йилһән сән сурһульчнрин тоод орв.

Тиим концерт дангин орлцнав. Мини үзүлсн көгжм күнд болв чигн олн улст таасгдна-гиж күүкн виктория келв. Баһ наста билгтн Виктория Дорджиева школд сурһул.ән сәәнәр сурна. Эк эцкнр олн зүсн марһаст орлцх дөнгән күргнә. Көгжм дассн деерән һурвн жилдән художествен гимнастикд цогц махмудан баитрулла.

Мини күүкм би биилһдән , зург зурхдан, ду дуулхлан бас ийр дурта. Бичкн цагасн авн өөрхн элгн садндан билг эрдмән үзүлдг бәәсмн тегәд бидн көгжмин училишд орулувидн гиж эк Гиләнә Дорджиева келв.

Жил болһн давулдг Товчлгч концертин йовудт эн жилд йилһән сәәнәр билг эрдмән үзүлсн көвүд каүүкдиг күндлһнә һашгар болн ачта белгүдәр ачлв. Тедн дунд нүүдлә акугинова. Эн билгтә күүкд күн зург зурхдан дурта. Цааранднь зурлһна халхар париж балһснд сурһуль сурхар зуралгджана.

Нүүдлә Акугинован келсәр би зург зурхдан йир дуртав. Намаг пленэр болсн марһанд зурачнр үзәд мини билг эрдмин үнүлв.

Товчлгч концертд Элистин болн Хальмгин епископ Зиновий көгжмин училишд арвн зун жилмүдин хуур белглв. Дәкәд болхлаг епископ Зиновий билгтә бичкдүджт мөнгнә мөрә бәрүлж өгв.

Көгжмин школын һардач Лариса Летуеван келсәр жил болһн энд сурһуль сурч йовсн бичкдүд билг эрдмән үзүлж өөрхн элгн садан байрулж кесгнь көгжмин хаалһ шүүһәд талдан балһсд оч сурһулян цаарандан давулна.Эн жилд мана бичкдүд сочи москва прага балһсд оч билг эрдмән үзүлвидн.

Эн жилд көдгжмин школын сурһульчнр дөрвн концерт өгв, олн зүсн танһсин марһаст орлцад диилвр бәрв. Прага балһснд болсн “Жемчужина Европы” нерәдллһтә марһанд көдгжмин училишин көвүд күүкд марһана лауреатнр болв.

Татьяна Зубцова, Алексей Ирчин