“Безопасное колесо” нертә балһсна марһан давв

Элстд сурһульчнр дунд “ Безопасное колесо” нертә балһсна марһан давв. 10-12 наста көвүд-күүкд хаалһин закаг яһж меддгән үзүлв.

Алина Меркулова болн Артем Велигурин эндр өдр велосипед угаһар эврә бәәдл жирһлән болн зунын амрллһна кемән үзхш. Артем Велигурин келсәр нанд велосипедар йовх йир таасгдна. Салькн үләһәд байр үүдәнә-гиж инәдж маднд көвүн келв.

Велосипедт йовсн цагт кесг үүрмүдиг бичкдүд олна. Болв эндр өдр велосипедар йовдг хаалһс уга. Велосипедистнр маши йовдг хаалһ һатлхла кесг зеткртә йовдлла харһна. Талдан балһсд болхла эн туст кергтә көдлмш кегджәнә. Велосипедар йовсн бичкдүд цогц махмудан батрулна, аһ чиирг болна.

Урднь хаалһ һатлхларн би дангин әәдг биләв. Ода хаалһин зака медәд әәмшг угаһар хаалһ һатлнав. Элст балһсна безопасное колесо нертә марһан бичкдүдин үүдәлтин цутхлнгин өөр давв. Эн марһанд жюрин гешүд эндр өдр бичкдүд сәәнәр велосипедар йовхнь үзв. Олн зүсн эстафетд орлцад марһлдв. Дәкәд болхлаг шав авсн цагт түрүн эмнллһнә дөн эдн күргж чадна аль угай. Хөөнь хаалһин зака меднә аль угай шүүвр өгв.

ГИБДн ах инспектор Василий Кеевин келсәр эндр өдр бичкдүдин төлә тиим марһас давулх кергтә, юнгад гихлә эдн хаалһин зака дасна, хөөнь хаалһ һатлхларн оньган өгч йовна.

Цуг эн марһанд орлцсн күүкд көвүд белгүдәр ачлгдсн билә, келхд эн белгүд болн күндллһнә һашгуд америкин шел копрорац белдв. Диилвр бәрсн көвүд күүкд сентябрь сард давулгдх републиканск марһанд орлцх.

Дмитрин Татьяна, Котина Валерий