Хуучн электролампочкс альдаран кехмб?
Электрокүч әрвлхмн эс гиж әәмшг уга бәәхмн? Электрокүч әрвлж олзлдг ламп күүнд ик әәмшг учражана гиж специалистнр тоолжана. Энүнд ртуть бәәнә. Өдгә цаг күртл иим лампочкс эд-бод кедг һазр уга бәәсмн. Эннь дегд хурц төрт хүврв. Юнгад гихлә иим лампочксиг хог-богла хамдан хайж болшго. Эн төриг Элст балһсна администрац халһх шиидвр батлж авв. Энүнә тускар шишлнг тогтавр һарв. Эн тогтаврар залврин компаньс ртутьта лампочкс цуглулж авх көдлмш бүрдәх зөвтә.
Элст балһсна бәәрн күүкд күүнә келсәр, электрокүч әрвлж олзлдг лампын тускар сәәнәр меднә. Кесг жилдән иим лампочк гертә олзлжана. Эн жилмдүин эргцд хуучн кесг лампочк нертнь цуглрв.
Элст балһсн бәәрн күүкд күүнә келсәр, иим нег лампочк хойр жилдән олзлгдна. Цааранднь альдарн энүг хайхинь медгдхш. Эдн күүнд йир әәмшгтә.
Эврәннь болзгаснь давж олзлгдсн ртутьта лампочкс күүнә эүрл-мендин халхд әәмшг учрана гиж элстихн келнә. Иим хуучн лампочк альдаран хайхин тускар эдн меджәхш. Хуучн лампочк кеер хайхла, энүнәс күнд металл аһарт һарад, күүнә эрүл-мендин халхд әәмшг учражана. Иим аһар бидн киилнәвидн, ус авч уунавижн. Эннь әмтнд болн мал-аһруснд әәмшгтә болжана. Тегәд энүг һазрт дарад, уга кех кергтә. Иим лампочкиг хог-бог хайдг контейнерт хайж болшго. Эдниг шишлнг оборудованяр эд-бод кенә. Одахн “Спецавтохозяйство” нертә хотл балһсна заллтд иим оборудовань ирв.
“Спецавтохозяйство” заллтин инженер Мингиян Эминовин келсәр, давсн жилд заллтд шин оборудовань ирв. Ода иим оборудовань Элст балһснд ор һанцхн болжана. Энүнд ртутьта лампочкс эд-бод кегднә. Иим лампочкс әмтнд йир әәмшгтә. Урднь эдниг Әәдрхн балһснд күргдг бәәж. Ода эднлә бооца цаарандан күцәжәнәвидн.
Ода Элст балһснд ртутьта хуучн лампочк цуглулж авдг дөрвн пункт бүрдәгдв. Хотл балһсна күн болһн нааран хуучн лампочк авч ирәд өгч чадх. Юридическ улс болн онц арһлачнр болхла спецавтохозяйство заллтла бооца кеһәд, иим луампочк бас орулж өгч чаджана. Тер мет олн давхрта гермүдин эздүд иим лампочк эврәннь жилишн заллтд орулж өгч чадх.
Элст балһсна администрацин әнгин һардач Татьяна Песечникован келсәр, эн төрәр хотл балсһна администрацин тогтавр һарв. Энүнд иим лампочк цуглудг бәәрн йилһгдв. Залврин компаньс бас иим керг күцәх зөвтә.
Эдлврәс һарасн хуучн электрокүч әрвлдг лампочк орулж өгхин утскар Элст балһсна зәрм әмтн сәәнәр меджәхш. Тегәд чигн эдн урдк кевәр әәмшгтә предметмүдиг хог-богла хамдан һарһж хайна.
Эн залу күүнә келсәр, урдк кевәр иим лампочк хог-богла хамдан хайжана. Эн күүкд күүнә келсәр, иим лампочксиг шишлнг оборудованяр эд-бод кех кергтә.
Иим әәмшгтә предметмүд эд-бод кехин төлә орулж өгәд, тадн йиртмжиг харсад, эврәннь эрүл-мендин тускар санж харжанат.
Елена Алексенко, Максим Мятежный
