Хальмгин күүкн нарта-делкән конференцд орлцв

Санкт-Петербург балһснд “Взгляд на Россию через призму стран с развиваюшимся рынком” нертә нарта-делкән конференц болв. Энүнд Францин болн Әрәсән оютнр орлцв. Эднә тоод Хальмгин оютн Баина Убушиева ик хургт бас одв. Эн жил хальмгин күүкн Монтескье Бордо 4 нертә университет төгсәв. Баинан келсәр, нарта-делкән конференцд “Российская держава перед лицом Европейской конвенции о зашите прав человека” нертә төрәр энүнә белдсн доклад деед сурһульд кесн дипломн көдлмшлә ззрхн болв. Эн көдлмшиг күүкн кесг жилдән күцәв. Баһ наста номтын тоолврар, зарһд дамшлт хоршаснь болн номтнрла харһад күүндснь ик дөн болв. Элст балһснд Баина Убушиеван эк-эцкнь бәәнә. Эврәннь нәәжнрләһән, дөрвдгч школд сурчасн көвүд-күүкдлә болн багшнрла харһлт кех саната. Һазадын орнд сурһуль дасх гиж ухалжасн уга бәәж. Тер мет Баина Санкт-Петербург балһснд экономикин деед школ төгсәв, францин кел гүүнәр дасж авла. Энүнә хөөн Бордо балһсна университетд сурв. Ода эн деед сурһульд Баина Убушиева багшлжана.