Хальмг танчин сунһлһна комиссьмүд полицин көдләчнрин чанһ бүртклһнд бәәнә

Хальмг танчин сунһлһна комиссьмүд полицин көдләчнрин чанһ бүртклһнд бәәнә. Энүнә тускар танһчин дотр-дундын кергүдин министр Баатр Гиндеев зәнглв. Зөв-йосна органмудын көдләчнр болн кинологуд әәмшг учрах предметмүд олж авсн уга. Энүнд мана үүдәгч баг герч болв.

Сунһвр болсн өдр сунһлһна участкст йисн зун полицин көдләчнр көдлдх. Энүнәтускар эндр пресс-конференцд дотр-дундын кергүдин министр Баатр Гиндеев зәнглв. лайф Энүнә келсәр, күцәгч йосна органмудла сунһлһна участкс белдлһнә төлә ик бүрдәмжин көдлмш кегдв. Ода бүртклһн цаарандан кегджәнә. Эндр өдр цуг участкс көдлмшт белн болх. Эндр өдрәс авн полицин көдләчнр чанһ диг-дараһар церглх .

Сунһврин өмн өрнгд зөв-йсосна органмуд сунһлһна цуг участк болн эргндк аһу эргж шинжлв. Полицин көдләчнрлә хамдан кинологуд нахастаһан бүртклһ кев. МВД-н әнгин ахлач Герман Сангаджиевин келсәр, эндр өдрәс антитеррористическ бүртклһн кегдв. Иим көдлмш сунһвр төгстл кегдх. Сунһлһна участкст полицин көдләчнр көдлх. Эдн сунһлһна участкин гер дотр болн һазань церглх. Энүнә йовудт зеткртә йовдлмудас саглулгч керг-үүлдвр күцәгдх.

Эндр агитацин сүл өдр. Манһдур тагчг бәәлһнә өдр гиж келгднә. Эн өдр цуг сунһачнр төвкнүн бәәдлд эврәннь шүүврән кеж чадх. Декабрин дөрвнд сунһврт эс орлцж чадшго улст талдан һазрт дууһан өгх документ өггдв. Тер мет сунһврин өдр мобильн сунһлһна комиссь бас көдлх. Эдн сунюһврт ирж чадшго улст гертнь одхмн. Тер мет мөшклһнә изоляторт бәәх улс бас сунһлһна зөвән олзлж чадх. СНХ Танһчин сунһлһна комиссин гешүн Данара Бадугинован келсәр, иим улст талдан һазрт дууһан өгх документ уга болхла, эдн эрлһ орулж өгх зөвтә. Тиихлә эдниг спискд орулх. Бәәрн һазртан темдглж бичгдсн спискас эдн һарһгдхмн.

Сунһвр күртл цөн цаг үлдв. Әрәсән цуг сунһачнр эн өдрмүдт ямаран априн төләдууһан өгхин тускар шиидвр батлж авх зөвтә. Мана шүүвр мана орн-нутгин, бичкдүдин, өрк-бүлин болн мана бәәдл-жирһл өөрхн залһлдата.