Эндр төрскән харсгч дәәнә ветеранмудт болн олн үртә өрк – бүлмүдт өнгәр һазрин участк өглһнә документ байрин бәәдлд бәрүлж өггдв

Ода эн болн талдан чигн зәнгсин тускар тодрхаһар. Эндр правительствин герин ик залд төрскән харсгч дәәнә ветеранмудт болн олн үртә өрк — бүлмүдт өнгәр һазрин участк өглһнә туск танһчин һазрин болн зөөрин министерствин закврмуд байрин бәәдлд бәрүлж өггдв. Дәәнә ветеранмудыг бәәдг герәр тетклһнә тускар Әрәсән президентин дуудвриг болн олн үртә өрк-бүлмүдиг дөннлһнә тускар Дмитрий Медведевин кесн дуудвриг Хальмг танһч хамгин түрүнд дөннв. Эндр хөрн һурвн дәәнәветеранд болн олн үртә зун һучн долан өрк-бүлд өнгәр һазрин участк авх документ бәрүлж өгв. Келхд, эн жилин намрар зун олн үртә өрк бүл иим участк бас өнгәр авсн билә. Эднд Элст балһсна деед үзгин районд гер бәрх һазр өггджәнә. Энүнә аһу йирн зурһан гектар тогтажана. Энд долан зун гер бәрх участк йилһж өггдв.