Эндр сойлын көдләчнрин сән өдр
Сойлын көдләчнриг эндр цуг танһчин әмтн йоөрәжәнә. Эндр Элст балһснд концертн залд сойлын көдләчнрин өдрт нерәдгдсн ик байр болв. Энүнә йовудт нүүрлдгч көдләчнр өөдән ачлврмудар ачлгдв. Шог наадна болн драмин орсин театрин артист Юрий Ильяновд Хальмг танһчин күндтә гражданин гидг нерн зүүлһгдв. Тер мет танһчин толһач Алексей Орлов энүнд Фолксваген машина түлкүр бәрүлж өгв. Элст балһсна художественн коллективмуд байрин хургин йовудт билг-эрдмән үзүлв. Сойлын көдләчнр эврәннь байран тавн жилин эргцд темдглжәнә. Иим байр темдглдгнь — эн халхин көдләчнрин күч-көлснә чинринь күндлжәх темдг болжана. Эн халхин көдләчнр маднд байр белглсн деерән, чик сән сурһмж өглһнд ик тәвцән орулжана. Хургин йовудт Алексей Орлво дәкәд нег байрта зәнг сойлын көдләчнрт кев. Ода танһчин сойлын министерств салу кевәр көдлх. Эн жил селәдин сойлын гермүд дөннлһнә төрт онц оньг тусхагдх. Эднә гермүдт капитальн ясвр кехин төлә мөнгн йилһж өггдх, сценическ хувц болн шин оборудовань хулдж ахин төлә бас мөнгн һарһж өггдхмн.
