Элстин эклц школ өөнән темдглв
Элст балһсна хөрн дөрвдгч тойгта эклц школ өөнән темдглв. Хотл балһсна өөр Элеватор поселкд хөрн жил хооран школ секгдв. Школын коллективиг йөрәхәр энд сурчасн сурһульчнр, эк-эцкнр болн хотл балһсна администрацин һардачнр ирв.
Байрин керг-үүлдврт ирсн улс дуднд Элст балһсна адвминистрацин толһач Артур Дорджиев бәәнә. Эн школд түрүн болж иржәнә. Тегәд сурһулин учрежденьд бүрдәгдсн өдгә цагин некврлә ирлцәтә таалыг эврәнн нүдәрн үзхәр ирж. Классмудын хора дегд ик биш. Энүнд тавн-зурһан көвүд-күүкд сурчана. Ут-тоодан школд арвн йисн сурһуль бәәнә. Тер бйинь хорас дулан болн сарул. Эн жил ясвр кехин төлә ик мөнг йилһж өгч. Тегәд школын герин ора шинрүлгдв, шин терз-үүд углж тәвв, хорасин эср шинрүлв, шин линолеум делгв.
Школын директор Людмила Сюкееван келсәр, автономн дула өгдг систем углж тәвснә хөөн, эдн дулаг эврән бүрткж хәләнә. Школын директор Людмила Сюкееван келсәр, эн долан хонгт дулан өдрмүд болжана. Икәр дула өгчәхш. Дулан өдрмүдт газ әрвлжәнә.
Ахр экскурсин хөөн Артур Дорджиев школын коллективла харһад күүндв. Эклц школын хөрн жилин өөнин байрт энд көдлжәсн эс гиж сурчасн әмтн ирж школан йөрәв. Хотл балһсна администрацин толач цуг улсиг ончта өөнләнь йөрәһәд, ик чинртә көдлмш кежәх багшнрт ханлтан өргв. Школын коллективд Артур Дорджиев сплитсистем белглв. Энүнә дөнгәр школд ямаран чигн жилин цагла бәәүцин сән бүрдәгдх гиж эн келв.
Элстин администрацин толһач Артур Дорджиевин келсәр, школд көдлжәх цуг улс эрүл-менд бәәж, бәәхтә жирһл эдлтхә. Элст балһсна администрацд йилһн уга, кед сурһульч бәәхнь. Бичкдүд мана иргч. Эдниг бидн дөннх зөвтәвидн. школд сурһульчнр гүн медрл авх зөвтә. Энд авсн мерл иргч жирһлд олз-туста болх.
Байрин керг-үүлдврт сурһульчнр бас шунмһа кевәр орлцв. Эдн дуулад, биилв, шүлгүд умшв. Директорин келсәр, школд сурһульчнрла сул цагт соньн көдлмш бүрдәгднә. Тегәд чигн көвүд-күүкд хотл балһсна эрдм-сурһулин заалтин бүрдәсн олн-зүсн үүдәгч марһаст призермудын тоод орна.
Сүл цагт государств эрдм-сурһулин халхд ик оньг тусхаснас иштә эклц школд иим сән сольвр болв. Эрдм-сурһулин халх шинрүлһнә программар хөрн дөрвдгч школд материальн-техничск ул батрулгдв. Цуг классн хораст багшнрин көдлмшин орм автоматизированн эв-арһта. Тегәд кичәлмүдүиг сән чинртәһәр давулж болх. Педагогическ күч-көлснә ветеран Тамара Качанован келсәр, иим сән таал эднә цагт уга бәәж. Эн школд йирдгч жилмүдт көдлсн билә.
Ветеран Тамара Качанован келсәр, эн школ ола күртл көдлжәхд икәр байрлжана. Правительств болн администрац иим кшолд оньг өгчәнә. Бичкдүд ода баһ. Тер бйинь школд дулан, ке-сәәхн, сурһулин цуг таал бүрдәгдв.
Элст балһсна мэйрин энүнд зуг ясврин көдлмшин төлә мөнг йилһж өгчәхш. Эн жил сурһульчнриг халун хотар тетклһнә төлә мөнг икәр йилһж өгв. Хөрн дөрвдгч эклц школд хамгин олн бичкдүд халун хотар теткгджәнә. Эднә то найн дөврн процентд күрчәнә.
Чучян Валентина, Мятежный Максим
