Элст балһсна садын-һарудин негдлтин орлцачнр балһсна мэрийин көдләчнрлә хаһрв

Элст балһсна садын-һарудин негдлтин орлцачнр балһсна мэрийин көдләчнрлә хаһрв. РЭО ГАИ-н эргнд бәәх эн негдлтин бәәрн улс эн седвәр татсн болдг. Йоста, тохнята күүндвр болв гиж темдглх кергтә.

Элст балһсна садын-һарудин негдлтин орлцачнр балһсна мэрийин көдләчнрлә харһв. РЭО ГАИ-н эргнд бәәх дачин гермүдин бәәрн улс эн седвәр татсмн. Йоста, тохнята күүндвр болв гиж темдглх кергтә.

Иим кевәр балһсна мэрийин конференц-заалд күүндвр эклв. Эрлһ орулж өгсн цаасн дор зун жирн негн күн һаран тәвсмн. Эдн цуһар сад-һарудин эздүд болжана. Хөрәд-һучад жилмүдин эргцт һазран олзлжана. Эднә кесгнь өрк-бүләрн тенд бәәршлнә.

Эднә сурврт балһсна ах архитектор хәрү өгч, цәәлһж келв. Эн һазр садын-һарудин негдлт гиж тоолгддг болжана. Дач биш, тегәд тенд гермүд тосхч ямр чигн коммуникац орул болшго. Ах архитекторин келсәр өдгә цагт балһсна медлд дачин тосхлт уга. Эндр өдр кесг селәдин әмтн, зәрм балһсна әмт чигн иргчдән гермүд бәрхин кергт эн һазрин медлд һазр хулдж авчана. кемржән эн һазрмудар коммуникац орулгдад, бичкдүдин сад, школ, магазин тосхгдхла, кесг улс олзлжасн һазран геехнь лавта. Эн һазринаһу дангинд бузр, дәкәд болхла эдн бәәж-бәәжәһәд зеткртә йовдлмуд учрдгин тускар зуг бәәрн улс биш, зөв-йос харслһна полицин көдләчнр чигн, административн-техническ инспекцин көдләчнр чигн меднә.

Күүндврин хөөн эврә зөв-йосан кесг әмтн медв гиж келх кергтә. Цааранднь һазран эзн кевәр олзлхин кергт эдн зөвән сольх зөвтә.

Хавтхан Элла, Очра Сергей