Дула өглһнә кем төгсв
Элст балһснд дула өглһнә кем төгсв. Тавн өдрин эргцд хотл балһснд аһарин кемжән дулан болснас иштә дула өглһн зогсагдв. Элстин администрацин тогтаврар апрелин нәәмнд цуг котельня көдлмш зогсв. Ик чинртә социальн обьектмудт болхла дулан орулж өгсн эрлһәр өггдх. Эндр өдрт Шунгаеван нертә перинатальн цутхлнгин, медәтнрин болн инвалид бичкдүдин гермүдт дулан өггджәнә. Энергосервисин специалистнрин келсәр, ода хотл балһсна цуг котельс күләврин кемжәнд орулгдв. Кемр аһарин кемжән киитрхлә, котельн дәкнәс экләд көдлхмн. Дула өглһнә кем төгсхлә, Элтс балһсна улст дав зуур бәәцин таал муурна. Һурвн өдртән халун усн өггдшго. Эн кемд гетлүлгч көдлмш котельнд кегднә. Үлгүрнь, эдл-аху бүрткж хәләгдх, дула өгдг турваст шинәс усн орулгдж, котельнс зунын кемд көдлһнә кемжәнд орулгдхмн гиж “Энергосервист” зәнглв.
